‘വി’ : തീയേറ്ററുകളിൽ ഉടൻ എത്തുന്നു
ട്രൂ സോൾ പിക്ചേഴ്സിന്റെ ബാനറിൽ രൂപേഷ് കുമാർ നിർമിച്ച ‘വീ ‘ എന്ന തമിഴ് ചിത്രം കേരളത്തിൽ പ്രദർശനത്തിനെത്തുന്നു. തമിഴ് നാട്ടിൽ 160 ഓളം കേന്ദ്രങ്ങളിൽ റിലീസ് ചെയ്ത് മികച്ച പ്രദർശന വിജയം നേടിയ ചിത്രമാണ് കേരളക്കരയെ ഇളക്കിമറയ്ക്കാനെത്തുന്നത്. ഡാവിഞ്ചി ശരവണൻ രചനയും സംവിധാനം ചെയ്ത ചിത്രത്തിന്റെ ഛായാഗ്രഹണം അനിൽ. കെ. ചാമിയാണ് നടത്തിയത്. ധാരപുരം, കൊച്ചി, അട്ടപ്പാടി, എന്നീ ലൊക്കേഷനുകളിലായാണ് സിനിമയുടെ ചിത്രീകരണം നടത്തിയിരിക്കുന്നത്. പ്രേക്ഷകരെ മുൾ മുനയിൽ നിർത്തുന്ന ഒരു മിസ്റ്ററി സസ്പെൻസ് ത്രില്ലർ ആണ് ‘വീ ‘ എന്നാണ് വിലയിരുത്തൽ.
പ്രമേയത്തിലെ പുതുമ കണ്ടാണ് ചിത്രം നിർമിക്കാൻ തയ്യാറായതെന്നാണ് ട്രൂ സോൾ പിക്ചേഴ് സിന്റെ ഉടമ രൂപേഷ് കുമാർ പറയുന്നത്. ബാംഗ്ലൂരിൽ കുടുംബസമേതം താമസിക്കുന്ന എയ്റോനോട്ടിക്കൽ എഞ്ചിനീയർ ആയ രൂപേഷ് കുമാർ പാലക്കാട്, കൊല്ലങ്കോട് സ്വദേശിയാണ്. വ്യത്യസ്ത പ്രമേങ്ങൾ കണ്ടെത്തി സിനിമ ആക്കുക എന്ന ആഗ്രഹത്തോടെയാണ് ട്രൂസോൾ പിക്ചേഴ്സ് എന്ന നിർമാണ – വിതരണ കമ്പനിക്ക് രൂപം നൽകിയിരിക്കുന്നതെന്ന് രൂപേഷ് കുമാർ പറയുന്നു.
ഇളങ്കോ കലൈവാണൻ സംഗീതം ചെയ്ത ചിത്രത്തിൽ രാഘവ്, ലതിയ, സബിത ആനന്ദ്, ദേവസൂര്യ തുടങ്ങിയവർ പ്രധാന വേഷങ്ങളിൽ എത്തുന്നു.