ചെന്നൈ ;ലോക്ക്ഡൗണ് വീണ്ടും നീട്ടികൊണ്ടു പോകാന് കഴിയില്ലെന്ന് തമിഴ്നാട് മുഖ്യമന്ത്രി എം കെ സ്റ്റാലിന്. ലോക്ക്ഡൗണ് അവസാനിപ്പിക്കേണ്ടതുണ്ട്, അത് ജനങ്ങളുടെ കൈകളിലാണെന്നും സ്റ്റാലിന് വ്യക്തമാക്കി. ലോക്ക്ഡൗണ് ഏര്പ്പെടുത്തിയതിന്റെ ഫലമായി മേയ് 24 മുതല് സംസ്ഥാനത്ത് ചെന്നൈ ഉള്പ്പെടെയുള്ള നഗരങ്ങളില് കോവിഡ് കേസുകള് കുറഞ്ഞുവരികയാണെന്ന് അദ്ദേഹം പറഞ്ഞു.
കഴിഞ്ഞ മൂന്നാഴ്ചയായി ആശുപത്രികളില് ഓക്സിജന്റെയോ കിടക്കകളുടെയോ കുറവുകളില്ലെന്ന് സ്റ്റാലിന് വ്യക്തമാക്കി. നേരത്തെ ചെന്നൈയില് മാത്രം 7,000 കേസുകള് റിപ്പോര്ട്ട് ചെയ്തിരുന്നു. ഇപ്പോള് 3,000ല് താഴെ കേസുകളാണ് റിപ്പോര്ട്ട് ചെയ്യുന്നത്.