ഡല്ഹി; ആര്.ബി.ഐയുടെ നയപ്രഖ്യാപനം ഇന്ന് നടക്കും. പലിശനിരക്കുകളില് ഇത്തവണയും മാറ്റത്തിന് സാധ്യതയില്ല. റിപ്പോ, റിവേഴ്സ് റിപ്പോ നിരക്കുകള് യഥാക്രം നാല് ശതമാനത്തിലും 3.35 ശതമാനത്തിലും തുടരും. തുടര്ച്ചയായ ആറാം തവണയാണ് ആര്.ബി.ഐ റിപ്പോ, റിവേഴ്സ് റിപ്പോ നിരക്കില് മാറ്റം വരുത്താതിരിക്കുന്നത്.
നയപ്രഖ്യാപനം നടത്തുമ്പോള് പണപ്പെരുപ്പ നിരക്കും ആര്.ബി.ഐക്ക് പരിഗണിക്കേണ്ടി വരും.
കോവിഡിനെ തുടര്ന്ന് മൊത്തവിലയെ അടിസ്ഥാനമാക്കിയുള്ള പണപ്പെരുപ്പത്തില് മാറ്റമുണ്ടായിട്ടുണ്ട്. അത് റീടെയില് പണപ്പെരുപ്പത്തേയും സ്വാധീനിക്കുമെന്ന് വിലയിരുത്തലുണ്ട്. നയപ്രഖ്യാപനത്തില് ആര്.ബി.ഐ ഇതുകൂടി പരിഗണിക്കുമെന്നാണ് സൂചന. ഇത് നിരക്കുകളില് മാറ്റമുണ്ടാക്കുന്നതിന് കാരണമായേക്കാമെന്നും ചില സാമ്പത്തിക വിദഗ്ധര് പ്രവചിക്കുന്നുണ്ട്.