കൊച്ചി: കോവിഡും ലോക്ഡൗണും മൂലം ജനങ്ങള് കനത്ത പ്രതിസന്ധിയിലായിരിക്കെ ഇരുട്ടടിയായി ഇന്ധനവില കുതിച്ചുയരുന്നു. കേരളത്തില് രണ്ട് ദിവസത്തെ ഇടവേളയ്ക്ക് ശേഷമാണ് ഇന്ന് ഇന്ധന വില വീണ്ടും കൂടിയത്. ഇതോടെ പെട്രോള് വില ലിറ്ററിന് 97 രൂപ കടന്നു. പെട്രോളിന് 27 പൈസയും ഡീസലിന് 30 പൈസയുമാണ് വര്ധിപ്പിച്ചത്.
തിരുവനന്തപുരത്താണ് പെട്രോള് വില 97 രൂപ കടന്നത്. തലസ്ഥാന ജില്ലയില് പെട്രോള് ലിറ്ററിന് 97.01 രൂപയും ഡീസലിന് 92.34 രൂപയുമായി. കൊച്ചിയില് പെട്രോള് ലിറ്ററിന് 95.13 രൂപയും ഡീസലിന് 90.57 രൂപയുമാണ് വില.