![“Manju”](https://santhigirinews.org/wp-content/uploads/2020/04/YOUTUBE.jpg")
കൊല്‍ക്കത്ത: ദക്ഷിണ ബംഗാളിലെ മൂന്ന് ജില്ലകളിലായി 23 പേര്‍ മിന്നലേറ്റ് മരിച്ചു. ഇന്നലെ ഉച്ചക്ക് ശേഷം കൊല്‍ക്കത്തയിലടക്കം ബംഗാളിന്റെ വിവിധ ഭാഗങ്ങളില്‍ ശക്തമായ ഇടിമിന്നലും കനത്ത മഴയും അനുഭവപ്പെട്ടിരുന്നു. മുര്‍ഷിദാബാദില്‍ നിന്ന് ഒമ്പത്, ഹൂഗ്ലിയില്‍ നിന്ന് 10, ഹൗറയില്‍ നിന്ന് രണ്ട്, വെസ്റ്റ് മിഡ്നാപൂരില്‍ നിന്ന് രണ്ട് എന്നിങ്ങനെയാണ് മിന്നലേറ്റ് മരിച്ചവരുടെ കണക്കുകള്‍. സംഭവത്തില്‍ പ്രധാനമന്ത്രി നരേന്ദ്ര മോദി ട്വിറ്ററിലൂടെ അനുശോചനം രേഖപ്പെടുത്തി. കുറച്ച്‌ ദിവസങ്ങള്‍ക്ക് മുമ്പ് സംസ്ഥാനത്ത് ഇടിമിന്നലേറ്റ് അഞ്ച് പേര്‍ മരിച്ചിരുന്നു.
