മങ്കട: സ്വന്തം ജീവന് പോലും നഷ്ടപ്പെട്ടാലും ആ ആറു വയസുകാരന്റെ ജീവന് രക്ഷിക്കണമെന്ന നിശ്ചയദാര്ഡ്യത്തോടെയാണ് ഫാത്തിമ സിയ ആ സാഹസികതക്ക് മുതിര്ന്നത്. അതുകൊണ്ടു തന്നെ ആ രക്ഷാ പ്രവര്ത്തനത്തിനിടെ നഷ്ടപ്പെട്ടുപോയ പ്രിയപ്പെട്ട കമ്മലുകള് അവള്ക്ക് വലിയ സങ്കടമൊന്നും വരുത്തിയിട്ടില്ല. എന്നാലും, ആ പെണ് താരത്തിന്റെ മനസില് ഒരു തരിപോലും സങ്കടം ഉണ്ടാകരുതെന്ന നിര്ബന്ധം അവളുടെ അധ്യാപകര്ക്കുണ്ടായിരുന്നു. അങ്ങനെയാണ് പകരമൊരു പൊന്നിന് കമ്മലുമായി അധ്യപകര് പ്രിയപ്പെട്ട വിദ്യാര്ഥിനിയുടെ വീട്ടിലെത്തിയത്. മലപ്പുറം ജില്ലയിലെ വടക്കാങ്ങരയിലാണ് സംഭവം. വിദ്യാര്ഥിനിയായ ഫാത്തിമ സിയ ആറു വയസുകാരനെ ക്വാറിയില് നിന്ന് രക്ഷിച്ചത് കഴിഞ്ഞ ദിവസമാണ്. രക്ഷിക്കുന്നതിനിടെ അവളുടെ പ്രിയപ്പെട്ട കമ്മല് നഷ്ടപ്പെട്ടിരുന്നു. നഷ്ടപ്പെട്ട കമ്മലിന് പകരം പുതിയ സ്വര്ണ്ണാഭരണവുമായാണ് ഫാത്തിമ സിയ പഠിക്കുന്ന എം.പി.ജി.യു.പി. സ്കൂളിലെ അധ്യാപകരുടെ സംഘം ആദരിക്കാന് വീട്ടിലെത്തിയത്.
Related Articles
Check Also
Close
-
മാര്ഗനിര്ദേശം പുതുക്കി; ക്വാറന്റീന് ആവശ്യമില്ലFebruary 10, 2022 5:49 PM