ടിക്കറ്റില്ലാത്തവരെ ദുബൈ വിമാനത്താവള ടെര്മിനലുകളില് പ്രവേശിപ്പിക്കില്ല
ദുബൈ ; കോവിഡ് വ്യാപിക്കുന്ന സാഹചര്യത്തില് ടിക്കറ്റില്ലാത്തവരെ ദുബൈ വിമാനത്താവള ടെര്മിനലുകളില് പ്രവേശിപ്പിക്കേണ്ടതില്ലെന്ന് അധികൃതര് തീരുമാനിച്ചു. യാത്രക്കാരുടെയും ജോലിക്കാരുടെയും ആരോഗ്യ സുരക്ഷ കണക്കിലെടുത്താണ് തീരുമാനം. വര്ഷത്തില് ഏറ്റവുമധികം യാത്രക്കാര് എയര്പോട്ടില് എത്തുന്ന സമയമാണിത്.
ഡിസംബര് 29നും ജനുവരി എട്ടിനുമിടയില് 20 ലക്ഷം യാത്രക്കാരാണ് വിമാനത്താവളത്തിലൂടെ കടന്നുപോകുന്നത്. ഓരോ ദിവസവും ശരാശരി 1,78,000 യാത്രക്കാര് എത്തിച്ചേരും. ഈ സാഹചര്യം പരിഗണിച്ച് വിമാനത്താവളത്തില് പരമാവധി തിരക്ക് കുറക്കുന്നതിനാണ് ടിക്കറ്റില്ലാത്തവരുടെ പ്രവേശനം വിലക്കിയിരിക്കുന്നത്.