InternationalLatest
യൂറോപ്പില് മഹാപ്രളയത്തില് മരണസംഖ്യ കുതിക്കുന്നു
യൂറോപ്യന് രാജ്യങ്ങളില് തുടരുന്ന മഹാപ്രളയത്തില് മരണസംഖ്യ കുതിക്കുന്നു. ജര്മനിയിലെ റൈന്ലാന്ഡ്-പാലറ്റിനേറ്റ് സംസ്ഥാനത്ത് 63 പേരും അയല് സംസ്ഥാനമായ റൈന്- വെസ്റ്റ്ഫാലിയയില് 43 പേരും മരിച്ചു. രണ്ടിടങ്ങളിലും കുതിച്ചെത്തിയ വെള്ളപ്പാച്ചിലില് നൂറുകണക്കിന് പേര് ഒലിച്ചുപോയതിനാല് മരണസംഖ്യ ഉയരുമെന്ന ആശങ്കയുണ്ട്.
അയല്രാജ്യമായ ബെല്ജിയത്തില് 20 മരണം സ്ഥിരീകരിച്ചിട്ടുണ്ട്. 20 പേരെ കാണാനില്ല. ബെല്ജിയത്തില്നിന്ന് നെതര്ലന്ഡ്സിലേക്ക് ഒഴുകുന്ന മ്യൂസ് പുഴയില് ജലനിരപ്പ് ഇപ്പോഴും അപകടകരമായി ഉയരുകയാണ്.