വാക്സിന് വിരുദ്ധ പ്രചാരകന് സ്റ്റീഫന് ഹാര്മന് കോവിഡ് ബാധിച്ച് മരിച്ചു
ലോസ് ആഞ്ചല്സ്: കോവിഡ് 19 വാക്സിനെതിരായ പ്രചാരണങ്ങളില് സജീവ സാന്നിധ്യമായിരുന്ന സ്റ്റീഫന് ഹാര്മന് കോവിഡ് ബാധിച്ച് മരിച്ചു. ലോസ് ആഞ്ചല്സിലെ കൊറോണ റീജയണല് മെഡിക്കല് സെന്ററില് വെച്ചാണ് സ്റ്റീഫന് മരണത്തിന് കീഴടങ്ങിയത്.
മെഡിക്കല് നിര്ദേശങ്ങളെ പാടേ അവഗണിച്ചിരുന്ന ഇദ്ദേഹം ബൈബിളിലാണ് വിശ്വാസമെന്നായിരുന്നു പ്രചരിപ്പിച്ചിരുന്നത്. യു.എസിലെ മെഡിക്കല് വിദഗ്ധന് അന്റോണിയോ ഫൗച്ചിയേക്കാള് തനിക്ക് ബൈബിളിനെയും ദൈവത്തെയുമാണ് വിശ്വാസമെന്നും ഹാര്മന് പറഞ്ഞിരുന്നു.
ട്വിറ്ററില് 7000ത്തോളം ഫോളോവേഴ്സുള്ള ഇദ്ദേഹം വാക്സിനെതിരെ നിരന്തരം തമാശകള് പോസ്റ്റ് ചെയ്യാറുണ്ടായിരുന്നു. ഹില്സണ് കോളജില് നിന്നുള്ള ബിരുദധാരിയായ ഇദ്ദേഹം ലോസ് ഏഞ്ചല്സിലെ ഹില്സോങ് ചര്ച്ചിലെ അംഗമായിരുന്നു. മതഗ്രൂപ്പുകളില് സജീവമായിരുന്ന ഇദ്ദേഹം മരിക്കുന്നതിന് ദിവസങ്ങള്ക്ക് മുന്പും ചികിത്സയെ പരിഹസിച്ച് രംഗത്തെത്തിയിരുന്നു.