![“Manju”](https://santhigirinews.org/wp-content/uploads/2020/04/YOUTUBE.jpg")
കോപന്‍ഹേഗന്‍: സിറിയന്‍ അഭയാര്‍ത്ഥികളെ മടക്കി അയക്കാനുള്ള ഡാനിഷ് സര്‍ക്കാരിന്റെ തീരുമാനത്തിനെതിരെ നിയമനടപടിക്കൊരുങ്ങി അഭിഭാഷകര്‍. ഇതേ രീതി മറ്റു രാജ്യങ്ങളും പിന്തുടരാന്‍ സാദ്ധ്യതയുണ്ടെന്ന് കാണിച്ച്‌ യൂറോപ്യന്‍ മനുഷ്യാവകാശ കോടതിയെയാണ് ഇവര്‍ സമീപിക്കുന്നത്.
നേരത്തെ ഡെന്‍മാര്‍ക്കിലെത്തിയ നിരവധി പേരുടെ താത്കാലിക താമസ അനുമതി പുതുക്കാന്‍ നല്‍കിയ അപേക്ഷ അടുത്തിടെ സര്‍ക്കാര്‍ കൂട്ടമായി തള്ളിയിരുന്നു. 1,200 ഓളം സിറിയന്‍ അഭയാര്‍ത്ഥികളെ ബാധിക്കുന്ന നീക്കമാണിത്. അഭയാര്‍ത്ഥികള്‍ക്കു വേണ്ടി ലണ്ടന്‍
ആസ്ഥാനമായുള്ള അഭിഭാഷകരുടെ നേതൃത്വത്തിലാണ് കോടതിയെ സമീപിക്കുക. ജനീവ കരാറിനെതിരാണ് നീക്കമെന്നും ഡമസ്കസ് നിലവില്‍ സുരക്ഷിതമല്ലെന്നും അഭിഭാഷകയായ ഗുര്‍ണിക പറഞ്ഞു. 58 ലക്ഷം ജനസംഖ്യയുള്ള ഡെന്മാര്‍ക്കില്‍ 35000 സിറിയന്‍ വംശജരുണ്ട്.
