ന്യൂഡല്ഹി: അമേരിക്കന് കമ്പനിയായ ജോണ്സണ് ആന്ഡ് ജോണ്സന്റെ ഒറ്റ ഡോസ് വാക്സിന് ഇന്ത്യയില് അടിയന്തര ഉപയോഗാനുമതി നല്കി. കേന്ദ്ര ആരോഗ്യമന്ത്രി മന്സുഖ് മാണ്ഡവ്യയാണ് ഇക്കാര്യം ട്വിറ്ററില് അറിയിച്ചത്. ഇന്ത്യയില് അനുമതി നല്കുന്ന അഞ്ചാമത്തെ കോവിഡ് വാക്സിനാണ് ഇത്.
വ്യാഴാഴ്ചയാണ് അനുമതി തേടി കമ്പനി അപേക്ഷ സമര്പ്പിച്ചത്. അപേക്ഷയുടെ വിശദാംശങ്ങള് പരിശോധിച്ച ശേഷമാണ് നടപടി. ഒരു ദിവസം ഒരു കോടി ഡോസ് വാക്സിനേഷന് എന്ന ഇന്ത്യയുടെ ലക്ഷ്യത്തിന് കൂടൂതല് വേഗം പകരുന്നതായിരിക്കും തീരുമാനം എന്നാണ് കേന്ദ്ര സര്ക്കാര് വൃത്തങ്ങള് അറിയിക്കുന്നത്. ഹൈദരാബാദ് ആസ്ഥാനമായ ബയോളജിക്കല് ഇ എന്ന കമ്പനിയുമായി ചേര്ന്നാണ് ഇന്ത്യയില് വാക്സിന് വിതരണം ചെയ്യുക. – Covid-19: മംഗളുരുവില് എറ്റ വകഭേദം സ്ഥിരീകരിച്ചു; കര്ണാടകയിലെ ആദ്യത്തെ കേസ്
”രാജ്യത്തിന്റെ വാക്സിന് ശേഖരണം വര്ധിച്ചിരിക്കുന്നു. ജോണ്സണ് ആന്ഡ് ജോണ്സണ് കമ്പനിയുടെ ഒറ്റ ഡോസ് വാക്സിന് അനുമതി നല്കി. ഇന്ത്യക്ക് ഇപ്പോള് അടിയന്തര ഉപയോഗത്തിന് അനുമതിയുള്ള വാക്സിനുകളുടെ എണ്ണം അഞ്ച് ആയി. രാജ്യത്തിന്റെ കോവിഡ് പ്രതിരോധത്തിന് ഇത് വലിയ മുന്നേറ്റം സമ്മാനിക്കും”- മന്ത്രി മന്സുഖ് മാണ്ഡവ്യ ട്വീറ്റ് ചെയ്തു.