പ്രഭാസ്, അനുഷ്ക ഷെട്ടി, രമ്യാ കൃഷ്ണന്, തമന്ന ഭാട്ടിയ, റാണ ദഗ്ഗുബതി എന്നിവര് അഭിനയിച്ച ബാഹുബലി എന്ന ചിത്രത്തിലൂടെ എസ്എസ് രാജമൗലി വളരെയധികം പ്രശസ്തി നേടി. ഫാന്റസി ആക്ഷനോടും ഹിന്ദു പുരാണങ്ങളോടുമുള്ള അദ്ദേഹത്തിന്റെ ഇഷ്ടം അദ്ദേഹം ഒരുക്കുന്ന സിനിമകളില് പ്രകടമാണ്. സംവിധായകന് ചലച്ചിത്രനിര്മ്മാണത്തെക്കുറിച്ച് വ്യക്തവും മൂര്ച്ചയുള്ളതുമായ കാഴ്ചപ്പാടുണ്ട്.
സ്ക്രീനില് അദ്ദേഹത്തിന്റെ ആശയങ്ങളും പ്രൊജക്ഷനും പ്രശംസനീയമാണ്. സംവിധാനത്തിന്റെ കാര്യത്തില് രാജമൗലി കുറ്റമറ്റ കഴിവുകളാല് അനുഗ്രഹീതനാണ്. ബാഹുബലി ഫെയിം രാജമൗലിയെ ചലച്ചിത്രമേഖലയിലെ സംഭാവനകള്ക്ക് നിരവധി അംഗീകാരങ്ങള് നല്കി ആദരിച്ചിട്ടുണ്ട്. ഏറ്റവും പുതിയ അപ്ഡേറ്റ് അനുസരിച്ച്, ലോകത്തിലെ ഏറ്റവും മികച്ച 50 ചലച്ചിത്ര സംവിധയകരുടെ പട്ടികയില് രാജമൗലി ഇടം കണ്ടെത്തി. 25-ാം സ്ഥാനത്താണ് അദ്ദേഹം.
ഇത് മാത്രമല്ല രാജമൗലിയാണ് ഈ സ്ഥാനം നേടിയ ഒരേയൊരു ഇന്ത്യന് ചലച്ചിത്രകാരന്. , രാജമൗലിയുടെ മാഗ്നം ഓപസ് ആര്ആര്ആര് അടുത്ത വര്ഷം ഏഴിന് തീയറ്ററില് പ്രദര്ശനത്തിന് എത്തും. ജൂനിയര് എന്ടിആര്, രാം ചരണ്, ആലിയ ഭട്ട്, അജയ് ദേവ്ഗണ് എന്നിവരാണ് ചിത്രത്തിലെ പ്രധാന താരങ്ങള്. ഡിവിവി എന്റര്ടെയ്ന്മെന്റിന്റെ ബാനറില് ഡിവിവി ദനയ്യ ആണ് ചിത്രം നിര്മിച്ചിരിക്കുന്നത്.