തിരുവനന്തപുരം: കോവിഡ് പ്രതിരോധ പാക്കേജിന് കീഴില് കേരളത്തിലെ എല്ലാ ജില്ലകള്ക്കും ഒരു കോടി രൂപ വീതം അനുവദിക്കുമെന്ന് കേന്ദ്ര ആരോഗ്യ മന്ത്രി മന്സുഖ് മാണ്ഡവ്യ അറിയിച്ചു. നേരത്തെ അനുവദിച്ച 267.35 കോടി രൂപക്ക് പുറമെയാണ് വീണ്ടും സഹായം പ്രഖ്യാപിച്ചത്.
കേരളത്തിലെ കോവിഡ് സാഹചര്യം കണക്കിലെടുത്ത് പ്രതിരോധ പ്രവര്ത്തനങ്ങള് വിലയിരുത്തുന്നതിനായി എത്തിയ കേന്ദ്രമന്ത്രി മുഖ്യമന്ത്രി പിണറായി വിജയനും ആരോഗ്യമന്ത്രി വീണാ ജോര്ജുമായി ചര്ച്ച നടത്തി.
ഓരോ ജില്ലകള്ക്കും അവരുടെ മെഡിക്കല് പൂള് സൃഷ്ടിക്കുന്നതിനാണ് ഒരു കോടി രൂപ വീതം അനുവദിച്ചത്. കേരളത്തിന് കൂടുതല് വാക്സിന് നല്കുന്നതുള്പ്പെടെ കേന്ദ്രത്തില് നിന്നി സാധ്യമായ എല്ലാ സഹായവും കേന്ദ്ര മന്ത്രി വാഗ്ദാനം ചെയ്തു. കേരളത്തിലെ എല്ലാ ജില്ലകളിലും ടെലിമെഡിസിന്റെ മികവിന്റെ കേന്ദ്രങ്ങള് സൃഷ്ടിക്കുന്നതും കേന്ദ്രം ഉറപ്പാക്കും. ജില്ലാ ആശുപത്രികളില് പീഡിയാട്രിക് ഐ.സി.യുകള് രൂപീകരിക്കണം. കേരളത്തില് ഓണം ആഘോഷിക്കുന്ന വേളയില് മുന്കരുതല് സ്വീകരിക്കണമെന്നും അദ്ദേഹം അഭ്യര്ത്ഥിച്ചു.
കോവിഡ് വാക്സിനേഷനില് കേരളം ശരാശരിയെക്കാള് മുന്നിലാണെന്ന് കേന്ദ്രമന്ത്രി പറഞ്ഞു. ആകെ ജനസംഖ്യയുടെ പകുതിയിലധികം പേര്ക്ക് സംസ്ഥാനം ഇതിനോടകം ഒന്നാം ഡോസ് വാക്സിന് നല്കിക്കഴിഞ്ഞു. കേരളത്തിനായി കൂടുതല് വാക്സിന് നല്കുമെന്നും കേന്ദ്രം ഉറപ്പുനല്കിയിട്ടുണ്ട്. എല്ലാ ജില്ലകളിലും ടെലിമെഡിസിന്റെ മികവിന്റെ കേന്ദ്രങ്ങള് സൃഷ്ടിക്കുന്നതും കേന്ദ്രം ഉറപ്പാക്കും. ജില്ലാ ആശുപത്രികളില് പീഡിയാട്രിക് ഐ.സി.യുകള് രൂപീകരിക്കണം. കേരളത്തില് ഓണം ആഘോഷിക്കുന്ന സാഹചര്യത്തില് മുന്കരുതല് സ്വീകരിക്കണമെന്നും അദ്ദേഹം അഭ്യര്ത്ഥിച്ചു.