InternationalLatest
സേനാപിന്മാറ്റം വേഗത്തിലാക്കും ; അമേരിക്ക
കാബൂള്: അഫ്ഗാനില് നിന്നുള്ള സൈനിക പിന്മാറ്റം വേഗത്തിലാക്കുമെന്ന് യു.എസ് പ്രസിഡന്റ് ജോ ബൈഡന്. സേന പിന്മാറ്റം പൂര്ത്തിയാക്കാന് അദ്ദേഹം സൈന്യത്തിന് നിര്ദേശം നല്കി. ഓഗസ്റ്റ് 31നകം വിദേശ സൈന്യം രാജ്യം വിടണമെന്ന് താലിബാന് ആവശ്യപ്പെട്ടിരുന്നു.
അതേസമയം അഫ്ഗാന് പൗരന്മാര് വിമാനത്താവളത്തിലേക്ക് പോകരുതെന്നും രാജ്യം വിടരുതെന്നും താലിബാന് അറിയിച്ചു. സുരക്ഷ കണക്കിലെടുത്ത് ജോലിചെയ്യുന്ന സ്ത്രീകള് വീടുകളില്തന്നെ കഴിയണമെന്നും താലിബാന് വക്താവ് സബീഹുല്ല മുജാഹിദ് പറഞ്ഞു. ഇത് താല്ക്കാലിക നടപടിയാണെന്നും സുരക്ഷക്കുള്ള സംവിധാനങ്ങള് നിലവില്വരുന്നതുവരെയാണെന്നും അദ്ദേഹം വിശദീകരിച്ചു.