ന്യൂഡല്ഹി: കോവിഡ് പ്രതിസന്ധി താരതമ്യേന കുറഞ്ഞ് വരുന്ന സാഹചര്യത്തില് രാജ്യത്ത് സ്കൂളുകള് തുറക്കണോ എന്ന വിഷയത്തില് പ്രതികരണവുമായി വിദഗ്ധര് . സ്കൂളുകള് ഘട്ടം ഘട്ടമായി തുറക്കാമെന്നാണ് വിദഗ്ധ സമിതി അംഗമായ ഡോ. എന്.കെ. അറോറ ചൂണ്ടിക്കാട്ടുന്നത് . “സ്കൂളുകള് ഘട്ടം ഘട്ടമായി തുറക്കാം. മാതാപിതാക്കള് കുട്ടികളെ ധൈര്യത്തോടെ സ്കൂളിലേക്ക് അയക്കണമെന്ന് ആവശ്യപ്പെട്ടതോടൊപ്പം കുട്ടികളുടെ സുരക്ഷയെക്കുറിച്ച് ആശങ്ക വേണ്ടെന്നും അറോറ പറഞ്ഞു.
അതെ സമയം കുട്ടികളെ സ്കൂളില് അയക്കുന്നതിന് മുമ്പ് അധ്യാപകരും സ്കൂള് ജീവനക്കാരും വാക്സിന് സ്വീകരിച്ചിട്ടുണ്ടെന്ന് മാതാപിതാക്കള് ഉറപ്പുവരുത്തണം. കുടുംബം വാക്സിന് സ്വീകരിച്ചിട്ടുണ്ടെന്ന് ഉറപ്പാക്കണമെന്നും അദ്ദേഹം ഓര്മിപ്പിച്ചു . കുട്ടികളുടെ കുടുംബത്തിലെ മുതിര്ന്നവരും അധ്യാപകരുടെയും ജീവനക്കാരുടെയും കുടുംബവും വാക്സിന് സ്വീകരിച്ചിട്ടുണ്ടെന്ന് ഉറപ്പുവരുത്തണം’ -അറോറ പ്രമുഖ ദേശീയമാധ്യമത്തോട് പ്രതികരിച്ചു .
ഇപ്പോള് തുടങ്ങി അടുത്ത നാലുമുതല് ആറുമാസത്തിനകം സ്കൂളുകള് ഘട്ടംഘട്ടമായി തുറക്കാം. കുട്ടികള്ക്ക് നല്കേണ്ട പൊതു കുത്തിവെപ്പിനെക്കുറിച്ച് ആശങ്ക വേണ്ടെന്നും അദ്ദേഹം പറഞ്ഞു. എന്നാല് പ്രൈമറി സ്കൂളുകള് തുറക്കുന്നതില് മുന്ഗണന നല്കണമെന്നാണ് വിദഗ്ധരുടെ അഭിപ്രായം. സെപ്റ്റംബര് അഞ്ച്, അധ്യാപക ദിനത്തിന് മുന്നോടിയായി എല്ലാ അധ്യാപകര്ക്കും വാക്സിന് ഉറപ്പാക്കുമെന്നും ആരോഗ്യമന്ത്രി മന്സുഖ് മാണ്ഡവ്യ അറിയിച്ചിരുന്നു.