ന്യൂഡല്ഹി: സെപ്റ്റംബര് ഒന്നിനു മുമ്പ് പിഎഫ് അക്കൗണ്ട് ആധാറുമായി ബന്ധിപ്പിക്കണമെന്ന നിര്ദേശം വന്നിരിക്കുന്നു. ആധാറുമായി പിഎഫ് അക്കൗണ്ട് ബന്ധിപ്പിക്കാന് വിവിധ മാര്ഗങ്ങള് ഉണ്ട്: അംഗങ്ങളുടെ യുഎഎന് നമ്പര് ആക്ടിവേറ്റ് ചെയ്യണം. ഇതിന് ഉമാംഗ് ആപ്പില് ഇപിഎഫ്ഒ സേവനത്തില് താഴെയായി ആക്ടിവേറ്റ് യുഎഎന് എന്ന ഓപ്ഷനില് ക്ലിക്ക് ചെയ്യാം. ഇപിഎഫ്ഒയുടെ വെബ്സൈറ്റില് കയറിയും യുഎഎന് ആക്ടിവേറ്റ് ചെയ്യാം. കേന്ദ്രസര്ക്കാരിന്റെ ഉമാംഗ് ആപ് വഴി ആധാറും പിഎഫ് അക്കൗണ്ടും തമ്മില് ബന്ധിപ്പിക്കാം. ഇതിനായി ഉമാംഗ് ആപ് ഫോണില് ഡൗണ്ലോഡ് ചെയ്യണം. ആപ്പില് രജിസ്ട്രേഷന് പൂര്ത്തിയാക്കിയ ശേഷം ആപ്ലിക്കേഷനിലെ ഓള് സര്വീസസ് ടാബില് പോയി ഇപിഎഫ്ഒ സേവനം സെലക്ട് ചെയ്യണം. ഇതില് ഇകെവൈസി എന്ന ഓപ്ഷനില് ക്ലിക്ക് ചെയ്ത് ആധാര് സീഡിംഗ് തെരഞ്ഞെടുക്കുക. പിന്നീട് യുഎഎന് നമ്പറും ഒടിപിയും നല്കി നടപടി പൂര്ത്തിയാക്കാം.