ഫാസ്റ്റ് ബൗളര് പ്രസിദ്ധ് കൃഷ്ണ ഇന്ത്യന് ടീമില്
മാഞ്ചസ്റ്റര്: ഇംഗ്ലണ്ടിനെതിരായ നാലാം ടെസ്റ്റിനുള്ള ഇന്ത്യന് ടീമില് ഫാസ്റ്റ് ബൗളര് പ്രസിദ്ധ് കൃഷ്ണയെ ഉള്പ്പെടുത്താന് ബിസിസിഐ തീരുമാനം. ഓള് ഇന്ത്യ സീനിയര് സെലക്ഷന് കമ്മിറ്റിയോട് ടീം മാനേജ്മെന്റിന്റെ അഭ്യര്ത്ഥനയെ തുടര്ന്നാണ് ബിസിസിഐ താരത്തെ ടീമില് ഉള്പ്പെടുത്തിയിരിക്കുന്നത്.
നിലവില് സ്റ്റാന്ഡ്ബൈ താരമായി പ്രസിദ്ധ് ഇംഗ്ലണ്ടിലുള്ള ഇന്ത്യന് ടീമിനൊപ്പമുണ്ട്. ഈ വര്ഷം മാര്ച്ചില് ഇംഗ്ലണ്ടിനെതിരായ ഏകദിന പരമ്പരയില് ഇന്ത്യക്കായി താരം അരങ്ങേറ്റം കുറിച്ചിരുന്നു. അതേസമയം, ഇന്ത്യ-ഇംഗ്ലണ്ട് നാലാം ടെസ്റ്റിന് ഇന്ന് ഓവലില് തുടക്കം.
ഇന്ത്യയ്ക്കെതിരായ മൂന്നാം ടെസ്റ്റില് വിജയിച്ച ആത്മവിശ്വാസത്തിലാണ് ഇംഗ്ലണ്ട് ഇറങ്ങുന്നത്. ഇന്ത്യന് നായകന് വിരാട് കോഹ്ലിയെ തളച്ചാല് പരമ്പര ജയിക്കാമെന്ന് മത്സരത്തിന് മുന്നോടിയായി ഇംഗ്ലീഷ് നായകന് ജോ റൂട്ട് പറഞ്ഞു.
ലീഡ്സ് ടെസ്റ്റിലെ തകര്ച്ചക്ക് പിന്നാലെ ടീമില് മാറ്റങ്ങളോടെയായിരിക്കും ഇന്ത്യ ഇറങ്ങുക. സൂപ്പര് സ്പിന്നര് ആര് അശ്വിന്റെ മടങ്ങി വരവ് ഏറെക്കുറെ ഉറപ്പാണ്. ജഡേജ ശാരീരികക്ഷമത വീണ്ടെടുത്തലും അശ്വിന് ആദ്യ ഇലവനില് സ്ഥാനം പിടിക്കാനാണ് സാധ്യത.