തിരുവനന്തപുരം;സംസ്ഥാനത്തിന്റെ സാമ്പത്തിക പ്രതിസന്ധി പരിഹരിക്കാന് നികുതി പിരിക്കാന് കര്ശന പരിശോധനകള് നടത്തുമെന്ന് ധനമന്ത്രി കെ.എന് ബാലഗോപാല്.രാജ്യത്തെ എല്ലാ സംസ്ഥാനങ്ങളും സാമ്പത്തിക പ്രതിസന്ധിയിലാണ്. കോവിഡ് സാഹചര്യത്തില് സ്ഥിതിഗതികള് രൂക്ഷമായി. കേന്ദ്ര സര്ക്കാരില് നിന്ന് സംസ്ഥാനങ്ങള്ക്ക് ലഭിക്കേണ്ട നികുതിയിലും കുറവുവന്നു. നമുക്ക് അവകാശമുള്ള വായ്പ മാത്രമാണ് എടുക്കുന്നത്.
ജനങ്ങളുടെ അവകാശങ്ങള് കവരില്ലെന്നും മന്ത്രി വ്യക്തമാക്കി. കേന്ദ്രത്തിന്റെ ജി.എസ്.ടി നഷ്ടപരിഹാരം അഞ്ച് വര്ഷം കൂടി ലഭിക്കണം. ജി.എസ്.ടി കൗണ്സിലില് കേരളത്തിന്റെ നിലപാടിനെ എല്ലാവരും പിന്തുണച്ചെന്നും മന്ത്രി കൂട്ടിച്ചേര്ത്തു.പെട്രോളിയം വിലവര്ധനവില് കോണ്ഗ്രസ് മോദിക്കെതിരെ പ്രതികരിക്കുന്നില്ലെന്നും ബാലഗോപാല് കുറ്റപ്പെടുത്തി. കേന്ദ്രത്തിന്റെ കൊള്ളയ്ക്ക് കോണ്ഗ്രസും കൂട്ടുനില്ക്കുന്നു. കേന്ദ്രനിലപാടിനെക്കുറിച്ച് കോണ്ഗ്രസ് എം.പിമാര് പഠിക്കണമെന്നും മന്ത്രി പറഞ്ഞു.