ന്യൂഡല്ഹി: ഭിന്നശേഷിക്കാര്ക്കും ശാരീരിക വെല്ലുവിളികള് നേരിടുന്നവര്ക്കും കോവിഡ് പ്രതിരോധ വാക്സിന് വീട്ടില് എത്തിക്കാന് നിര്ദേശം. പ്രയാധിക്യമുള്ളവര്ക്കും ഏറെക്കാലമായി കിടപ്പിലായ രോഗികള്ക്കും ഈ സൗകര്യം ലഭ്യമാകും. വീടിന് പുറത്തിറങ്ങാന് കഴിയാത്തവര്ക്ക് പ്രത്യേക മേല്നോട്ടത്തില് ഇത്തരത്തില് വാക്സിന് ലഭ്യമാക്കാന് കേന്ദ്ര സര്ക്കാര് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും നിര്ദേശം നല്കി.
വാക്സിന് എടുക്കാന് തയ്യാറുള്ള, എന്നാല് വാക്സിനേഷന് കേന്ദ്രത്തിലേക്ക് പോകാന് കഴിയാത്ത ഏതൊരു വ്യക്തിക്കും ഈ ക്രമീകരണം ഏര്പ്പെടുത്തിയിട്ടുണ്ട് -ആരോഗ്യ സെക്രട്ടറി രാജേഷ് ഭൂഷണ് പറഞ്ഞു. കോവിഡ് പ്രതിരോധ കുത്തിവെപ്പില് പൗരന്മാര്ക്ക് തുല്യത ഉറപ്പാക്കുന്നതിനാണിത്.