ന്യൂഡല്ഹി: സമൂഹത്തിന്റെ താഴേക്കിടയിലുള്ള കുട്ടികള്ക്ക് കൂടി ഓണ്ലൈന് വിദ്യാഭ്യാസം ലഭ്യമാകണമെന്നും, അത് ഭരണഘടന ഉറപ്പു നല്കുന്ന വിദ്യാഭ്യാസത്തിനുള്ള അവകാശം ആണെന്നും സുപ്രീം കോടതി. ഇതിനായി ഫലപ്രദമായ മാര്ഗങ്ങള് അടിയന്തരമായി രൂപീകരിക്കണമെന്നും ആവശ്യപ്പെട്ടു കൊണ്ട് കോടതി കേന്ദ്ര, സംസ്ഥാന സര്ക്കാരുകള്ക്ക് നോട്ടീസയച്ചു.
കൂടാതെ വിദ്യാര്ഥികള്ക്ക് ഓണ്ലൈന് സൗകര്യങ്ങള് ഏര്പ്പെടുത്താന് സ്വകാര്യ സ്കൂളുകള്ക്ക് ചെലവാകുന്ന തുക ഡല്ഹി സംസ്ഥാന സര്ക്കാര് നല്കണമെന്ന് ഹൈക്കോടതി ഉത്തരവിട്ടിരുന്ന സംഭവത്തില്, പരാതിക്കൊപ്പം ഇതിനായി ഒരു മാര്ഗം രൂപീകരിച്ച് കോടതിക്കു മുന്നില് സമര്പ്പിക്കണമെന്നും ഡല്ഹി ഹൈക്കോടതിയോട് സുപ്രീം കോടതി നിര്ദേശിച്ചു.