ന്യൂഡല്ഹി : ഇന്ത്യയെ ലോകത്തിലെ ഏറ്റവും വലിയ സൈനിക ശക്തിയാക്കി മാറ്റുമെന്ന് പ്രധാനമന്ത്രി നരേന്ദ്രമോദി. ഓര്ഡനന്സ് ഫാക്ടറി ബോര്ഡ് പുനസംഘടിപ്പിച്ച് രൂപീകരിച്ച ഏഴ് കമ്പനികളുടെ ഉദ്ഘാടനം നിര്വഹിക്കുന്ന ചടങ്ങിലാണ് പ്രധാനമന്ത്രി ഇക്കാര്യം അറിയിച്ചത്.
പുതിയ ഭാവിക്കായി പുതിയ പ്രതിജ്ഞകള് എടുക്കുകയാണ് നമ്മള്. ഭാവിയുടെ സാങ്കേതിക വിദ്യയിലായിരിക്കണം പ്രതിരോധ ഗവേഷണത്തിന്റെ ശ്രദ്ധയെന്നും മോദി പറഞ്ഞു. പുതിയ കമ്പനികള് പ്രതിരോധ മേഖലയുടെ മുഖംമാറ്റുമെന്നും അദ്ദേഹം ചൂണ്ടിക്കാട്ടി.
മ്യുനിഷന്സ് ഇന്ത്യ ലിമിറ്റഡ് (എംഐഎല്), ആര്മേഡ് വെഹിക്കിള്സ് നിഗം ലിമിറ്റഡ് (അവാനി), അഡ്വാന്സ്ഡ് വെപ്പണ്സ് ആന്ഡ് എക്വിപ്മെന്റ് ഇന്ത്യ ലിമിറ്റഡ് (എഡബ്ല്യുഇ ഇന്ത്യ), ട്രൂപ് കംഫര്ട്ട്സ് ലിമിറ്റഡ് (ടിസിഎല്), യന്ത്ര ഇന്ത്യ ലിമിറ്റഡ് (വൈല്), ഇന്ത്യ ഒപ്റ്റല് ലിമിറ്റഡ് (ഐഒഎല്), ഗ്ലൈഡേഴ്സ് ഇന്ത്യ ലിമിറ്റഡ് (ജിഐഎല്), എന്നിവയാണ് പുതിയ ഏഴ് പ്രതിരോധ കമ്പനികള്.