തിരുവനന്തപുരം: 51-ാമത് സംസ്ഥാന ചലച്ചിത്ര അവാര്ഡുകള് പ്രഖ്യാപിച്ചപ്പോള് പ്രതികരണവുമായി നടീനടന്മാരും. സിനിമ കാരണം മദ്യപാനം ഉപേക്ഷിച്ചവര് തന്നെയാണ് വെള്ളം എന്ന സിനിമയ്ക്ക് ലഭിച്ച അവാര്ഡ് എന്ന് മികച്ച നടനായി തെരെഞ്ഞെടുക്കപ്പെട്ട നടന് ജയസൂര്യ അഭിപ്രായപ്പെട്ടു. അവാര്ഡ് അപ്രതീക്ഷിതമെന്ന് മികച്ച നടിയായി തെരെഞ്ഞെടുക്കപ്പെട്ട അന്ന ബെന് പ്രതികരിച്ചു.ജിയോ ബേബി സംവിധാനം ചെയ്ത ഗ്രേറ്റ് ഇന്ന്ത്യന് കിച്ചണ് ആണ് മികച്ച ചിത്രം. ജോമോന് ജേകബ്, സജിന് എസ് രാജ്, വിഷ്ണു രാജന്, ഡിജോ അഗസ്റ്റിന് എന്നിവരാണ് നിര്മാതാക്കള്. നിര്മാതാവിനും സംവിധായകനും രണ്ടുലക്ഷം രൂപ വീതവും ശില്പവും പ്രശസ്തി പത്രവും സമ്മാനമായി ലഭിക്കും.ആണ് മേല്കോയ്മയുടെ നിര്ദയമായ അധികാര പ്രയോഗങ്ങളെ ഒരു പെണ്കുട്ടിയുടെ ദൈനംദിന ജീവിതാനുഭവങ്ങളിലൂടെ അതിസൂക്ഷ്മമായി അടയാളപ്പെടുത്തിയ ചിത്രമാണ് ഗ്രേറ്റ് ഇന്ത്യന് കിച്ചണെന്ന് ജൂറി അഭിപ്രായപ്പെട്ടു.
വെള്ളം എന്ന ചിത്രത്തിലെ അഭിനയത്തിനാണ് ജയസൂര്യ മികച്ച നടനുള്ള പുരസ്കാരം നേടിയത്.വെള്ളം സിനിമ ഒരുപാട് പേര്ക്ക് മദ്യപാനം ഉപേക്ഷിക്കാനുള്ള പ്രേരണയായെന്നും അത് തന്നെയാണ് സിനിമയ്ക്ക് ലഭിച്ച ആദ്യ അവാര്ഡെന്നും ജയസൂര്യ പ്രതികരിച്ചു. കപ്പേളയിലെ അഭിനയത്തിന് അന്ന ബെന് ആണ് മികച്ച നടിയായി തെരഞ്ഞെടുക്കപ്പെട്ടത്. മികച്ച നടനും നടിക്കും ഒരു ലക്ഷം രൂപ വീതവും ശില്പവും പ്രശസ്തിപത്രവും ലഭിക്കും.മന്ത്രി സജി ചെറിയാനാണ് പുരസ്കാരങ്ങള് പ്രഖ്യാപിച്ചത്. ജൂറി അധ്യക്ഷ സുഹാസിനി മണിരത്നം, ചലച്ചിത്ര അക്കാദമി ചെയര്മാന് കമല്, ജൂറി അംഗങ്ങള് തുടങ്ങിയവര് വാര്ത്താസമ്മേളനത്തില് പങ്കെടുത്തു. കോവിഡ് മഹാമാരിയുടെ പ്രതിസന്ധി കാലത്തും സംസ്ഥാന ചലച്ചിത്ര പുരസ്കാരത്തിനായി 80 സിനിമകള് സമര്പിക്കപ്പെട്ടുവെന്നത് ശ്രദ്ധേയമാണ്.പ്രാഥമിക വിധിനിര്ണയ സമിതിയുടെ സൂക്ഷ്മമായ വിലയിരുത്തലുകള്ക്കു ശേഷം 24 ചിത്രങ്ങളാണ് അന്തിമ വിധിനിര്ണയ സമിതിയ്ക്ക് മുന്നിലെത്തിയത്. ഇതുകൂടാതെ, വിവിധ വിഭാഗം പുരസ്കാരങ്ങളുടെ പരിഗണനയ്ക്കായി 10 ചിത്രങ്ങള്കൂടി അന്തിമ വിധിനിര്ണയ സമിതി കണ്ടു. 38 ഓളം വരുന്ന നവാഗത സംവിധായകരുടെ ശക്തമായ സാന്നിധ്യവും ഒന്നിനൊന്ന് വ്യത്യസ്തമായ പ്രമേയങ്ങളും ആവിഷ്കാരങ്ങളും മലയാള സിനിമയുടെ മുന്നോട്ടുള്ള പ്രയാണത്തിന് കരുത്ത് പകരുമെന്നതില് സംശയമില്ലെന്ന് ജൂറി അഭിപ്രായപ്പെട്ടു.
സച്ചി സംവിധാനം ചെയ്ത അയ്യപ്പനും കോശിയുമാണ് ജനപ്രീതിയും കലാമേന്മയുമുള്ള ചിത്രം. സിദ്ധാര്ഥ് ശിവയാണ് മികച്ച സംവിധായകന് ( സിനിമ:എന്നിവര്).ഭൂമിയിലെ മനോഹര, സ്വകാര്യം എന്നീ ചിത്രങ്ങളിലെ അഭിനയത്തിന് സുധീഷ് മികച്ച സഹനടനുള്ള പുരസ്കാരം നേടി. ശ്രീരേഖയാണ് മികച്ച സ്വഭാവനടി (ചിത്രം-വെയില്)
പുരസ്കാരങ്ങള് നേടിയവര്
മികച്ച നടന് – ജയസൂര്യ (ചിത്രം- വെള്ളം)
മികച്ച നടി – അന്ന ബെന് (ചിത്രം- കപ്പേള)
മികച്ച ചിത്രം – ദ ഗ്രെയ്റ്റ് ഇന്ത്യന് കിച്ചന് (സംവിധാനം – ജിയോ ബേബി)
മികച്ച സംവിധായകന് – സിദ്ധാര്ഥ് ശിവ (ചിത്രം – എന്നിവര്)
മികച്ച രണ്ടാമത്തെ ചിത്രം – തിങ്കളാഴ്ച നല്ല നിശ്ചയം (സംവിധാനം – സെന്ന ഹെഗ്ഡേ)
മികച്ച നവാഗത സംവിധായകന് – മുസ്തഫ (ചിത്രം – കപ്പേള)
മികച്ച സ്വഭാവ നടന് – സുധീഷ് (ചിത്രം – എന്നിവര്, ഭൂമിയിലെ മനോഹര സ്വകാര്യം)
മികച്ച സ്വഭാവ നടി – ശ്രീരേഖ (ചിത്രം – വെയില്)
മികച്ച ജനപ്രിയ ചിത്രം – അയ്യപ്പനും കോശിയും (സംവിധാനം – സച്ചി)
മികച്ച ബാലതാരം ആണ് – നിരഞ്ജന് എസ് (ചിത്രം – കാസിമിന്റെ കടല്)
മികച്ച ബാലതാരം പെണ് – അരവ്യ ശര്മ (ചിത്രം- പ്യാലി)
മികച്ച കഥാകൃത്ത് – സെന്ന ഹെഗ്ഡേ (ചിത്രം – തിങ്കളാഴ്ച നിശ്ചയം)
മികച്ച ഛായാഗ്രാഹകന് – ചന്ദ്രു സെല്വരാജ് (ചിത്രം – കയറ്റം)
മികച്ച തിരക്കഥാകൃത്ത് – ജിയോ ബേബി (ചിത്രം – ദ ഗ്രേറ്റ് ഇന്ത്യന് കിച്ചന്)
മികച്ച ഗാനരചയിതാവ് – അന്വര് അലി
മികച്ച സംഗീത സംവിധായകന് – എം ജയചന്ദ്രന് (ചിത്രം – സൂഫിയും സുജാതയും)
മികച്ച പശ്ചാത്തല സംഗീതം – എം ജയചന്ദ്രന് (ചിത്രം – സൂഫിയും സുജാതയും)
മികച്ച പിന്നണി ഗായകന് – ഷഹബാസ് അമന്
മികച്ച പിന്നണി ഗായിക – നിത്യ മാമന് ഗാനം – വാതുക്കല് വെള്ളരിപ്രാവ് (ചിത്രം – സൂഫിയും സുജാതയും )