ബെംഗളൂരു: കേന്ദ്ര സര്ക്കാര് ഇന്ധന വില കുറച്ചതിനു പിന്നാലെ കര്ണാടക സര്ക്കാര് ഇന്ധനവില കുറച്ചു. പെട്രോളിനും ഡീസലിനും ഏഴ് രൂപ വീതമാണ് കുറച്ചത്. വിലക്കുറവ് വ്യാഴാഴ്ച വൈകീട്ട് മുതല് പ്രാബല്യത്തില് വരും. ഇതോടെ കര്ണാടകയില് പെട്രോള് 95.50 രൂപക്കും ഡീസല് 81.50 രൂപക്കും ലഭിക്കും.
പെട്രോളിന് ലിറ്ററിന് അഞ്ചു രൂപയും ഡീസലിന് പത്ത് രൂപയുമാണ് കേന്ദ്രസര്ക്കാര് എക്സൈസ് തീരുവയില് ഇളവ് വരുത്തിയത്. ഇന്ധന വില കുതിച്ചുയരുന്നതില് കേന്ദ്ര സര്ക്കാരിനെതിരെ വ്യാപക പ്രതിഷേധം ഉയരുന്നതിനിടെയാണ് നടപടി.