ബംഗളൂരു: കര്ണാടകയിലെ സര്ക്കാര് ബസുകളില് മൊബൈല് സ്പീക്കറില് ഉയര്ന്ന ശബ്ദത്തില് പാട്ടും വിഡിയോയും വെക്കുന്നത് വിലക്കി ഹൈകോടതി. ബസ് യാത്രക്കാര്ക്ക് ഉയര്ന്ന തോതില് ശബ്ദ ശല്യമുണ്ടാകുന്നുവെന്ന് കാണിച്ച് നേരത്തെ ലഭിച്ച പൊതുതാല്പര്യ ഹര്ജിയിലാണ് കോടതി ഉത്തരവ്.
ഉയര്ന്ന ശബ്ദത്തില് മൊബൈലില് പാട്ടുകളും വീഡിയോകളും നിയന്ത്രിക്കണമെന്നാണ് കോടതി നിര്ദേശം. അതെ സമയം വിഷയം പരിഗണിച്ച് ഉയര്ന്ന ശബ്ദത്തില് പാട്ടുവെക്കുന്നവരോട് സഹയാത്രികര്ക്ക് ശല്യമുണ്ടാക്കരുതെന്നും ബസ് ജീവനക്കാര്ക്ക് ആവശ്യപ്പെടാമെന്ന് കര്ണാടക ഹൈക്കോടതി ഉത്തരവില് ചൂണ്ടിക്കാട്ടുന്നു. നിര്ദേശങ്ങള് ലംഘിച്ചാല് ജീവനക്കാര്ക്ക് യാത്രക്കാരനെ ബസില് നിന്ന് ഇറക്കിവിടാമെന്നും ഹൈകോടതി നിരീക്ഷിച്ചു.