ന്യൂഡല്ഹി: രാജ്യത്ത് ഒമിക്രോണ് കേസുകള് ഉയര്ന്നു. പുതുതായി 19 പേരിലാണ് ഒമിക്രോണ് വകഭേദം സ്ഥിരീകരിച്ചത്. ഇതോടെ രാജ്യത്തെ ഒമിക്രോണ് കേസുകളുടെ എണ്ണം 174 ആയി ഉയര്ന്നു. ഒമിക്രോണ് സ്ഥിരീകരിച്ച 80 ശതമാനം പേരിലും രോഗലക്ഷണങ്ങള് കുറവായിരുന്നെന്ന് കേന്ദ്ര ആരോഗ്യമന്ത്രി മന്സുഖ് മാണ്ഡവ്യ പറഞ്ഞു.
ഡല്ഹിയില് 8 പുതിയ ഒമിക്രോണ് കേസുകളാണ് റിപ്പോര്ട്ട് ചെയ്തത്. കര്ണാടകയില് അഞ്ചും കേരളത്തില് നാലും ഒമിക്രോണ് കേസുകള് റിപ്പോര്ട്ട് ചെയ്തു. അതെ സമയം മഹാരാഷ്ട്രയിലാണ് ഏറ്റവും കൂടുതല് കേസുകള് റിപ്പോര്ട്ട് ചെയ്തിരിക്കുന്നത്. 54 പേരിലാണ് മഹാരാഷ്ട്രയില് ഒമിക്രോണ് സ്ഥിരീകരിച്ചത്. ഡല്ഹിയില് 30 പേരിലും. അതെ സമയം ഒമിക്രോണ് പ്രതിരോധത്തിന് നിലവിലുള്ള വാക്സിന്റെ കാര്യക്ഷമത പരിശോധിച്ചു വരികയാണെന്നും ആരോഗ്യമന്ത്രി പറഞ്ഞു. കോവിഡ് പരിശോധനയ്ക്ക് ആവശ്യമായ ലാബുകളും ടെസ്റ്റ് സംവിധാനങ്ങളും ട്രാക്കിങ്ങും ഉറപ്പു വരുത്തിയിട്ടുണ്ട്.