മാനന്തവാടി: വയനാട്ടില് ആദ്യമായി ഒമിക്രോണ് സ്ഥിരികരിച്ചു. രോഗിയെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു.കഴിഞ്ഞ മാസം 28 ന് യുഎഇയില് നിന്നെത്തിയ 27 വയസുകാരിക്കാണ് ഒമിക്രോണ് സ്ഥിരീകരിച്ചത്. യുഎഇയില് നിന്നെത്തിയ സമയത്തുതന്നെയുള്ള പരിശോധനയില് കോവിഡ് സ്ഥിരീകരിച്ചിരുന്നു.
ഒമിക്രോണ് ലക്ഷണങ്ങള് കണ്ടതിനെ തുടര്ന്ന് യുവതിയെ ആശുപത്രിയില് പ്രവേശിപ്പിക്കുകയും യുവതിയുടെ സ്രവം പരിശോധനയ്ക്ക് തിരുവനന്തപുരം രാജീവ് ഗാന്ധി ഇന്സ്റ്റിറ്റ്യൂട്ട് ഓഫ് ബയോടെക്നോളജി വൈറോളജി ലാബില് അയക്കുകയും ഇന്നലെ ഫലം പോസിറ്റീവ് ആകുകയുമായിരുന്നു. എന്നാല് ഭയപ്പെടേണ്ട സാഹചര്യം ഇല്ലെന്ന് ആരോഗ്യ വകുപ്പ് അറിയിച്ചു.