KeralaLatestThiruvananthapuram
വാക്സീനെടുക്കാനെത്തുന്ന കൗമാരക്കാര് അറിയേണ്ടതെല്ലാം
തിരുവനന്തപുരം: രജിസ്ട്രേഷന് കൗണ്ടറില് രജിസ്റ്റര് ചെയ്ത മൊബൈല് മെസേജോ പ്രിന്റൗട്ടോ നല്കേണ്ടതാണ്. രജിസ്റ്റര് ചെയ്ത ഫോണ് നമ്ബര് നല്കുമ്ബോള് കുട്ടിയുടെ മറ്റ് വിവരങ്ങള് ലഭ്യമാകും. ആധാറോ, സ്കൂള് ഐഡിയോ കാണിച്ച് വന്നയാള് ആ കുട്ടിതന്നെയെന്ന് ഉറപ്പാക്കും. വാക്സീനേഷന് കേന്ദ്രത്തില് സൂപ്പര്വൈസറും വാക്സീനേറ്ററും ഉണ്ടാകും.
കുട്ടിക്ക് മറ്റ് തരത്തിലുള്ള ആരോഗ്യ പ്രശ്നങ്ങളോ അലര്ജിയോ ഇല്ലെന്ന് ഉറപ്പ് വരുത്തിയ ശേഷം വാക്സീനേഷന് സ്ഥലത്തേക്ക് വിടുന്നു. ഒരിക്കല്ക്കൂടി വാക്സീനേറ്റര് കുട്ടിയോട് വിവരങ്ങള് ചോദിച്ച ശേഷം വാക്സീന് നല്കുന്നു. വാക്സീന് നല്കിയ ശേഷം കുട്ടികളെ അര മണിക്കൂര് നിരീക്ഷിക്കുന്നതാണ്. മറ്റ് ബുദ്ധിമുട്ടലുകളില്ലെന്ന് ഉറപ്പ് വരുത്തി അവരെ തിരികെ വിടും.