കൊവിഡ് വ്യാപനം; സംസ്ഥാനത്ത് കൂടുതല് നിയന്ത്രണങ്ങള്ക്ക് സാധ്യത
തിരുവനന്തപുരം: സംസ്ഥാനത്തെ കൊവിഡ് – ഒമിക്രോണ് സാഹചര്യം വിലയിരുത്താന് മുഖ്യമന്ത്രിയുടെ അധ്യക്ഷതയില് ഇന്ന് അവലോകന യോഗം ചേരും. രാവിലെ 11.30 ന് ഓണ്ലൈനായാണ് യോഗം. നിലവിലെ സാഹചര്യത്തില് സംസ്ഥാനത്ത് ഏര്പ്പെടുത്തേണ്ടതായ നിയന്ത്രണങ്ങളെ പറ്റി യോഗം ചര്ച്ച ചെയ്യും. നിലവിലെ സാഹചര്യത്തില് കര്ശനമായ നിയന്ത്രണം വേണമെന്ന് ആരോഗ്യ, റവന്യൂ വകുപ്പുകള് വിലയിരുത്തുന്നുണ്ട്. എന്നാല് സാഹചര്യം വിലയിരുത്തി ഘട്ടം ഘട്ടമായുള്ള നിയന്ത്രണങ്ങളായിരിക്കും സംസ്ഥാനത്ത് ഏര്പ്പെടുത്തുക.
വാക്സിനേഷന് ഊര്ജിതമാക്കും. മൂന്നാം തരംഗത്തിന് മുന്നോടിയായി ആരോഗ്യ സംവിധാനങ്ങള് സജമാക്കാന് ആരോഗ്യ വകുപ്പിന് നിര്ദ്ദേശം നല്കും. രോഗവ്യാപനം കൂടിയ തിരുവനന്തപുരം, എറണാകുളം ജില്ലകളിലെ സാഹചര്യം യോഗം പ്രത്യേകം വിലയിരുത്തും. അന്താരാഷ്ട്ര യാത്രക്കാരുടെ നിര്ബന്ധിത ക്വാറന്ന്റെനും നിരീക്ഷണവും ശക്തമാക്കും. പരിശോധനകള് വ്യാപിപ്പിക്കും. സമ്പര്ക്ക രോഗികള് വര്ദ്ധിക്കുന്നതിനാല് ആള്ക്കൂട്ട നിയന്ത്രണത്തിനുള്ള പ്രത്യേക മാനദണ്ഡങ്ങളും സര്ക്കാര് ആലോചിക്കുന്നുണ്ട്.