പഞ്ചാബ് നിയമസഭാ തിരഞ്ഞെടുപ്പ് ഫെബ്രുവരി 20ലേക്ക് മാറ്റി

പഞ്ചാബ് നിയമസഭാ തെരഞ്ഞെടുപ്പിന്റെ പോളിംഗ് തീയതി തിങ്കളാഴ്ച്ച മാറ്റുന്നതായി തിരഞ്ഞെടുപ്പ് കമ്മീഷന്‍ അറിയിച്ചു. ഫെബ്രുവരി 20 ന് ഒറ്റ ഘട്ടമായാണ് പോളിംഗ് നടക്കും. പഞ്ചാബിലെ 117 നിയമസഭാ സീറ്റുകളിലേക്കുള്ള വോട്ടെടുപ്പ് ഫെബ്രുവരി 14 നാണ് നേരത്തെ നിശ്ചയിച്ചിരുന്നത്. എന്നിരുന്നാലും, രാഷ്ട്രീയ പാര്‍ട്ടികള്‍ ഫെബ്രുവരി 16ന് ഗുരു രവിദാസ് ജയന്തി ആണെന്നും അതിനാല്‍ മാറ്റണമെന്നും തിരഞ്ഞെടുപ്പ് പാനലിനോട് ആവശ്യപ്പെട്ടത് കണക്കിലെടുത്താണ് ഈ മാറ്റം.

മിക്കവാറും എല്ലാ രാഷ്ട്രീയ പാര്‍ട്ടികളും ബി.ജെ.പി, ബി.എസ്.പി, എസ്.എ.ഡി (സംയുക്ത്), പഞ്ചാബ് ലോക് കോണ്‍ഗ്രസ് മേധാവി ക്യാപ്റ്റന്‍ അമരീന്ദര്‍ സിംഗ് എന്നിവര്‍ തിരഞ്ഞെടുപ്പ് പുനഃക്രമീകരിക്കാന്‍ തിരഞ്ഞെടുപ്പ് പാനലിനോട് അഭ്യര്‍ത്ഥിച്ചിരുന്നു. ഗുരു രവിദാസ് ജയന്തി പ്രമാണിച്ച്‌ ആറ് ദിവസത്തേക്ക് തെരഞ്ഞെടുപ്പ് മാറ്റിവെക്കണമെന്ന് കോണ്‍ഗ്രസ് നേതാവും മുഖ്യമന്ത്രിയുമായ ചരണ്‍ജിത് സിംഗ് ചന്നിയും ഇലക്ഷന്‍ കമ്മീഷനോട് ആവശ്യപ്പെട്ടിരുന്നു.