പഞ്ചാബി ദിനം ആഘോഷിച്ചു
മനാമ: ഇന്ത്യന് സ്കൂള് ‘പഞ്ചാബി ദിവസ്-2022’ ഓണ്ലൈനായി നിറപ്പകിട്ടാര്ന്ന പരിപാടികളോടെ ആഘോഷിച്ചു.സ്കൂളിലെ പഞ്ചാബി ഭാഷാവിഭാഗം സംഘടിപ്പിച്ച പരിപാടി ദേശീയഗാനത്തോടെ ആരംഭിച്ചു. വിദ്യാര്ഥികളായ രശ്മി ഗണേഷ്, റോഷ്നി ഗണേഷ് എന്നിവര് ചേര്ന്ന് സ്കൂള് പ്രാര്ഥനാഗാനം അവതരിപ്പിച്ചു. മുഹമ്മദ് അദീബ് ഖാന് വിശുദ്ധ ഖുര്ആന് പാരായണം നിര്വഹിച്ചു. ഗുരു ഗ്രന്ഥ സാഹിബില്നിന്നുള്ള പാരായണം അമൃത് കൗര് നിര്വഹിച്ചു. പഞ്ചാബി ഭാഷാധ്യാപിക രേവ റാണി സ്വാഗതം പറഞ്ഞു. പഞ്ചാബി മൂന്നാം ഭാഷാ വിദ്യാര്ഥികള്ക്കായി നിരവധി മത്സരങ്ങള് സംഘടിപ്പിച്ചു. ചിത്രം തിരിച്ചറിയല്, കഥപറയല്, കവിത പാരായണം, പഞ്ചാബി നാടന്പാട്ട് എന്നിവയായിരുന്നു പ്രധാന മത്സരങ്ങള്. മത്സരങ്ങള് കൂടാതെ പഞ്ചാബി നൃത്തം പ്രധാന ആകര്ഷണമായിരുന്നു.