![“Manju”](https://santhigirinews.org/wp-content/uploads/2020/04/YOUTUBE.jpg")
ഭോപ്പാല്‍ : വിവാഹം പ്രമാണിച്ച്‌ കൊഴിഞ്ഞ് പോയ ഭാഗത്ത് മുടി മാറ്റിവെച്ച പോലീസ് ഉദ്യോഗസ്ഥന്‍ മരിച്ചു . ബിഹാര്‍ സ്‌പെഷ്യല്‍ ആംഡ് പോലീസ് ഉദ്യോഗസ്ഥന്‍ മനോരഞ്ജന്‍ പാസ്വാന്‍ (28) ആണ് മരിച്ചത്. മേയ് 11 നാണ് മനോരഞ്ജന്റെ വിവാഹം ഉറപ്പിച്ചിരുന്നത് . തലയുടെ മുന്‍ഭാഗത്തെ മുടി നഷ്ടപ്പെട്ടതിനാല്‍ ഹെയര്‍ ട്രാന്സ്പ്ലാന്റ് ചെയ്യാന്‍ തീരുമാനിച്ചു. പട്‌നയിലെ ബോറിംഗ് റോഡിലുള്ള ഹെയര്‍ ട്രാന്സ്പ്ലാന്റ് ആന്‍ഡ് സ്കിന്‍ കെയര്‍ സെന്ററിലായിരുന്നു മനോരഞ്ജന്റെ ചികിത്സ . ഡൗണ്‍ പേയ്‌മെന്റായി മനോരഞ്ജന്‍ 11,767 രൂപ നല്‍കി . പ്രതിമാസം 4000 രൂപ ഇഎംഐയായും നല്‍കണമായിരുന്നു.
മാര്‍ച്ച്‌ 9 ന് മുടി മാറ്റിവച്ചു . അതിനുശേഷം അദ്ദേഹം ഷെയ്ഖ്പുരയിലേക്ക് മടങ്ങി. പെട്ടെന്ന്, രാത്രിയില്‍ കടുത്ത തലവേദനയും നെഞ്ച് വേദനയും അനുഭവപ്പെട്ടു, തുടര്‍ന്ന് മനോരഞ്ജനെ ഉടന്‍ ഹെയര്‍ ട്രാന്സ്പ്ലാന്റ് ആന്‍ഡ് സ്കിന്‍ കെയര്‍ സെന്ററില്‍ എത്തിച്ചു . ഗുരുതരാവസ്ഥ കണ്ട് സ്കിന്‍ കെയര്‍ സെന്റര്‍ അദ്ദേഹത്തെ റൂബന്‍ ആശുപത്രിയില്‍ പ്രവേശിപ്പിച്ചെങ്കിലും മനോരഞ്ജന്‍ മരണപ്പെട്ടു.സംഭവത്തില്‍ എസ്കെ പുരി പോലീസ് സ്റ്റേഷനില്‍ പരാതി നല്‍കിയിട്ടുണ്ട്. സ്കിന്‍ കെയര്‍ സെന്റര്‍ നടത്തിപ്പുകാര്‍ക്കെതിരെ നടപടി വേണമെന്ന് മനോരഞ്ജന്റെ കുടുംബം ആവശ്യപ്പെട്ടിട്ടുണ്ട്.
