കൊല്ലം – വേളാങ്കണ്ണി സര്വ്വീസുമായി കെഎസ്ആര്ടിസി ബഡ്ജറ്റ് ടൂറിസം
തിരുവനന്തപുരം; കെ.എസ്.ആര്.ടി.സി ബഡ്ജറ്റ് ടൂറിസം സെല്ലിന്റെ ആഭിമുഖ്യത്തില് സംസ്ഥാനത്തിന് പുറത്തേക്കുള്ള ആദ്യത്തെ തീര്ത്ഥാടന യാത്ര കൊല്ലത്ത് നിന്നും വേളാങ്കണ്ണിയിലേക്ക് ആരംഭിച്ചു. കൊല്ലത്ത് നിന്നും ആരംഭിച്ച തീര്ത്ഥാടനയാത്ര കൊല്ലം രൂപത ബിഷപ്പ് ഡോ: പോള് ആന്റണി മുല്ലശ്ശേരി ആശീര്വദിച്ചു. കൊല്ലം യൂണിറ്റധികാരി അജിത്ത് കുമാര്, ബി.ടി.സി കൊല്ലം ജില്ലാ കോ-ഓര്ഡിനേറ്റര് കെ.ജി രാജേഷ് എന്നിവര് ചടങ്ങില് പങ്കെടുത്തു.
കൊല്ലത്ത് നിന്നും എല്ലാ വെള്ളി , ശനി, ഞായര് ദിവസങ്ങളില് രാവിലെ 5.15 ന് ആരംഭിക്കുന്ന യാത്ര വി.ദൈവസഹയ പിള്ള രക്ത സാക്ഷിത്വം വരിച്ച പള്ളിയും (കാറ്റാടിമല), ഒരിയൂര് വി.ജോണ് ഡി ബ്രിട്ടോ യുടെ ദേവാലയവും സന്ദര്ശിച്ചു അന്നേ ദിവസം രാത്രിയോടെ വേളാങ്കണ്ണിയില് എത്തി ചേരുന്നു. അടുത്ത ദിവസം രാവിലെ 9 മണിക്കുള്ള മലയാളം കുര്ബാനക്ക് ശേഷം വൈകുന്നേരം 4 മണിയോട് കൂടി യാത്ര തിരിച്ചു അടുത്ത ദിവസം അതിരാവിലെ തിരികെ എത്തി ചേരുന്ന വിധം ആണ് സര്വീസ് ക്രമീകരിച്ചിരുക്കുന്നത്.
പ്രാരംഭ ഓഫര് എന്ന നിലയില് ടിക്കറ്റ് നിരക്ക് ഒരു സീറ്റിനു 2,200 രൂപ മാത്രമാണ് ഈടാക്കുന്നത്. ടിക്കറ്റുകള് വ്യക്തിഗതമായോ ഗ്രൂപ്പ് അടിസ്ഥാനത്തില് മൊത്തമായോ ബുക്ക് ചെയ്യാവുന്നതാണ്. കൂടുതല് വിവരങ്ങള്ക്കും ബുക്കിങ്ങിനും ആയി :-+91-89215 52722, +91-99950 44775 ,+91-89219 50903, 91-94966 75635 എന്നി നമ്പറുകളില് ബന്ധപ്പെടുക.