![“Manju”](https://santhigirinews.org/wp-content/uploads/2020/04/YOUTUBE.jpg")
തിരുവനന്തപുരം: രണ്ട് ദിവസത്തിനകം സൗജന്യ ഇന്റര്‍നെറ്റ് കണക്ഷന്‍ സംസ്ഥാനത്തെ ബിപിഎല്‍ കുടുംബങ്ങളിലേക്ക് നല്‍കാനുള്ള ടെന്റര്‍ നടപടികള്‍ പൂര്‍ത്തിയാക്കുമെന്ന് കെ ഫോണ്‍. കണക്ഷന്‍ തദ്ദേശഭരണ വകുപ്പ് തയ്യാറാക്കി നല്‍കുന്ന ഉപഭോക്താക്കളുടെ ലിസ്റ്റ് അടിസ്ഥാനമാക്കി നല്‍കാനാണ് തീരുമാനം.
പദ്ധതി തയ്യാറാക്കുന്നത് 100 മുതല്‍ 500 കുടുംബങ്ങളെ വരെ ഒരു നിയമസഭാ നിയോജക മണ്ഡലത്തില്‍ നിന്ന് തെരഞ്ഞെടുത്ത് സൗജന്യ ഇന്റര്‍നെറ്റ് എത്തിക്കാനാണ്. ഇതിനായി ഇന്റര്‍നെറ്റ് സേവനം മൂന്ന് വര്‍ഷത്തിലേറെയായി നല്‍കുന്നവരില്‍ നിന്ന് ടെന്റര്‍ വിളിച്ചിരുന്നു. ഒന്‍പത് സര്‍വീസ് പ്രൊവൈഡര്‍മാരുടെ ചുരുക്കരപ്പട്ടിക 30 പേര്‍ പങ്കെടുത്ത ടെന്റല്‍ നിന്ന് തയ്യാറാക്കിയാണ് നടപടികള്‍ പുരോഗമിക്കുന്നത്. ഇവരൊട് അനുബന്ധ രേഖകള്‍ കൂടി ആവശ്യപ്പെട്ടിട്ടുണ്ട് ടെണ്ടര്‍ അത് ലഭ്യമാക്കുന്ന മുറയ്ക്ക് അനുവദിക്കുമെന്നും കെ ഫോണ്‍ അധികൃതര്‍ വ്യക്തമാക്കി.
പദ്ധതി മുന്നോട്ട് പോകുക ഒരു ജില്ലയില്‍ ഒരു സേവന ദാതാവിനെ കണ്ടെത്തിയാണ്. തദ്ദേശ ഭരണ വകുപ്പ് തദ്ദേശ സ്ഥാപനങ്ങള്‍ക്ക് അര്‍ഹരായ കുടുംബങ്ങളെ കണ്ടെത്താന്‍ തയ്യാറാക്കിയ മാനദണ്ഡങ്ങള്‍ നല്‍കിയിട്ടുണ്ട്. മുന്‍ഗണന എസ്‌ഇഎസ്ടി പിന്നോക്ക വിഭാഗങ്ങള്‍ക്കും പഠിക്കുന്ന കുട്ടികളുള്ള വീടുകള്‍ക്കുമെല്ലാം നല്‍കി പട്ടിക തയ്യാറാക്കണമെന്നാണ് നിര്‍ദ്ദേശം. അന്തിമ പട്ടിക ഒരാഴ്ചക്കകം തയ്യാറാക്കി കെ ഫോണിന് കൈമാറുമെന്നാണ് തദ്ദേശ വകുപ്പ് അറിയിക്കുന്നത്. കണക്ഷന്‍ ഈ മാസം അവസാനം നല്‍കി തുടങ്ങാനാകുമെന്നാണ് അവകാശ വാദം.
