ന്യൂഡല്ഹി: പ്രവര്ത്തനരഹിതമായ 111 രാഷ്ട്രീയ പാര്ട്ടികളുടെ പേരുവെട്ടാന് തെരഞ്ഞെടുപ്പ് കമീഷന് തീരുമാനിച്ചു. വെറുതെ രജിസ്ട്രേഷന് നടത്തി രാഷ്ട്രീയ പാര്ട്ടികള് രൂപവത്കരിക്കുന്ന പ്രവണതക്കെതിരെ കമീഷന് നടപടി തുടങ്ങിയിരുന്നു.
ഇതിന്റെ ഭാഗമായി സംസ്ഥാനങ്ങളിലെ മുഖ്യ തെരഞ്ഞെടുപ്പ് ഓഫിസര്മാര് പാര്ട്ടികള് രജിസ്റ്റര് ചെയ്ത വിലാസത്തില് ബന്ധപ്പെടാന് ശ്രമിച്ചെങ്കിലും നടന്നില്ല. ഇവര്ക്കയച്ച കത്തുകള് മടങ്ങി. ഇവര്ക്ക് അനുവദിച്ച ചിഹ്നങ്ങളും പിന്വലിക്കും. രജിസ്റ്റര് ചെയ്യുകയും എന്നാല്, അംഗീകാരം ഇല്ലാതിരിക്കുകയും ചെയ്ത പാര്ട്ടികള്ക്ക് നടപടിയില് പരാതിയുണ്ടെങ്കില് 30 ദിവസത്തിനകം കമീഷനെ സമീപിക്കാം.