76-ാംമത് സ്വാതന്ത്ര്യദിനം കുവൈത്തില് ആഘോഷിച്ചു
കുവൈത്ത് സിറ്റി: കുവൈത്തിലെ ഇന്ത്യന് എംബസി ഇന്ത്യയുടെ 76ാമത് സ്വാതന്ത്ര്യദിനം വിവിധ പരിപാടികളോടെ ആഘോഷിച്ചു.രാവിലെ എട്ടിന് ഇന്ത്യന് എംബസിയില് അംബാസഡര് സിബി ജോര്ജ് മഹാത്മാഗാന്ധിയുടെ പ്രതിമയില് പുഷ്പാര്ച്ചന നടത്തി. തുടര്ന്ന് ദേശീയപതാക ഉയര്ത്തി. ഇന്ത്യന് രാഷ്ട്രപതിയുടെ സന്ദേശം അംബാസഡര് വായിച്ചു. ഇന്ത്യയുമായി മികച്ച സഹകരണവും ബന്ധവും തുടരുന്ന കുവൈത്ത് നേതൃത്വത്തിന് അംബാസഡര് തന്റെ പ്രസംഗത്തില് നന്ദി പറഞ്ഞു. ഇന്ത്യ-കുവൈത്ത് ബന്ധം പ്രോത്സാഹിപ്പിക്കുന്നതിനും വ്യാപാരം, നിക്ഷേപം, സംസ്കാരം, വിനോദസഞ്ചാരം എന്നിവയുടെ പ്രോത്സാഹനം, വിവിധ മേഖലകളിലെ സഹകരണത്തിന്റെ വിപുലീകരണം, കുവൈത്തിലെ ഇന്ത്യന് സമൂഹത്തിന്റെ ക്ഷേമം ഉറപ്പാക്കുന്നതിനുള്ള നടപടികള് തുടങ്ങി വിവിധ മേഖലകളില് എംബസി നടത്തുന്ന ശ്രമങ്ങള് അദ്ദേഹം എടുത്തുപറഞ്ഞു.