സമ്മര് ക്യാമ്പ് സമാപിച്ചു
മനാമ: ബഹ്റൈന് സെന്റ് മേരീസ് ഇന്ത്യന് ഓര്ത്തഡോക്സ് കത്തീഡ്രലില് ‘ഹൂ ആം ഐ 22’എന്ന പ്രമേയത്തില് നടത്തിവന്ന സമ്മര് ക്യാമ്പ് സമാപിച്ചു. ന്യൂ ഇന്ത്യന് സ്കൂള് ചെയര്മാന് ടി. ഡാന് ഗ്രാന്ഡ് ഫിനാലെ ഉദ്ഘാടനം ചെയ്തു. കത്തീഡ്രല് വികാരി ഫാ. പോള് മാത്യൂ അധ്യക്ഷത വഹിച്ചു. കുട്ടികള് വിവിധ കലാപരിപാടികള് അവതരിപ്പിച്ചു. ക്യാമ്പില് പങ്കെടുത്ത കുട്ടികള്ക്ക് സമ്മാനങ്ങളും സര്ട്ടിഫിക്കറ്റുകളും നല്കി. സമ്മര് ക്യാമ്പ് ഡയറക്ടര് ഡീക്കന് ജെറിന് പി. ജോണിന് ഉപഹാരം നല്കി. സഹ വികാരി ഫാ. സുനില് കുര്യന് ബേബി, ട്രസ്റ്റി സാമുവേല് പൗലോസ്, ആക്ടിങ് സെക്രട്ടറി ജോയല് സാം ബാബു എന്നിവര് സംസാരിച്ചു. സൂപ്പര്വൈസര് റെയ്ച്ചല് മാത്യു ക്യാമ്പിന്റെ റിപ്പോര്ട്ട് അവതരിപ്പിച്ചു. കോഓഡിനേറ്റര് സന്തോഷ് മാത്യു സ്വാഗതവും ബോണി മുളപ്പാംപള്ളില് നന്ദിയും പറഞ്ഞു.