ക്ലൈമാക്സില് കുവൈത്ത്
മസ്കത്ത്: അവസാന നിമിഷം വരെ ആവേശം നിലനിന്ന ഏഷ്യ കപ്പ് ക്രിക്കറ്റ് യോഗ്യതമത്സരത്തില് യു.എ.ഇക്കെതിരെ കുവൈത്തിന് ഒരു വിക്കറ്റ് ജയം.ആദ്യം ബാറ്റ് ചെയ്ത യു.എ.ഇ നിശ്ചിത 20 ഓവറില് അഞ്ചു വിക്കറ്റ് നഷ്ടത്തില് 173 റണ്സെടുത്തു. മറുപടി ബാറ്റിങ്ങിനിറങ്ങിയ കുവൈത്ത് ഒരു പന്ത് ബാക്കിനില്ക്കേ ഒമ്ബതു വിക്കറ്റ് നഷ്ടത്തില് 177 റണ്സെടുത്തു. ടോസ് നേടിയ കുവൈത്ത് ബൗളിങ് രഞ്ഞെടുക്കുകയായിരുന്നു. യു.എ.ഇക്കുവേണ്ടി ചിരാഗ് സൂരി 88 (61), മുഹമ്മദ് വസീം 35 (23), വൃത്യ അരവിന്ദ് 33 (29) എന്നിവര് മികച്ച പ്രകടനം കാഴ്ചവെച്ചു. കുവൈത്തിനുവേണ്ടി മലയാളി താരങ്ങളായ മുഹമ്മദ് ഷഫീഖ്, ഷിറാസ് ഖാന് എന്നിവര് ഓരോ വിക്കറ്റ് വീതം വീഴ്ത്തി. സെയ്ദ് മോനിബിനും ഒരു വിക്കറ്റുണ്ട്. യു.എ.ഇയുടെ മലയാളി താരം ബാസില് ഹമീദ് മികച്ച ബൗളിങ് പ്രകടനമാണ് കാഴ്ചവെച്ചത്. 22 റണ്സ് വഴങ്ങി ബാസില് മൂന്നു വിക്കറ്റ് വീഴ്ത്തി. അഹമ്മദ് റാസ, ജുനൈദ് സിദ്ദീഖ് എന്നിവര്ക്ക് ഓരോ വിക്കറ്റ് വീതമുണ്ട്. കുവൈത്തിന്റെ രവീജ സന്ദാരുവന് 34 റണ്സും മീത് ഭവ്സര് 27 റണ്സും മലയാളി താരം എഡിസണ് സില്വ 25 റണ്സുമെടുത്തു. എഡിസന് സില്വയാണ് കളിയിലെ താരം.