ചിത്രപ്രദര്ശനത്തിന് തുടക്കമായി
ദമ്മാം: യുവ ചിത്രകാരി കൗസര് അല് ഹുസൈനിയുടെ ആദ്യ ചിത്രപ്രദര്ശനത്തിന് ദമ്മാമില് തുടക്കമായി. സൊസൈറ്റി ഫോര് കള്ചര് ആന്ഡ് ആര്ട്സിന്റെ അബ്ദുല്ല അല്-ശൈഖ് ആര്ട്ട് ഹാളില് ആരംഭിച്ച പ്രദര്ശനം പ്രശസ്ത ചിത്രകാരി ഷുവ അല്-ദോസരി കഴിഞ്ഞ ദിവസം ഉദ്ഘാടനം ചെയ്തു. പ്രദര്ശനം ഏഴു ദിവസം നീണ്ടുനില്ക്കും. തനത് കാഴ്ചയുടെ വര്ണക്കൂട്ടുകളാണ് കൗതറിന്റെ ചിത്രങ്ങളെന്നും, കാഴ്ചക്കാരിലേക്ക് യാഥാര്ഥ കാഴ്ചയുടെ സൗന്ദര്യം സന്നിവേശിപ്പിക്കാന് ചിത്രകാരിക്ക് കഴിഞ്ഞിട്ടുണ്ടെന്നും, ഒറ്റക്ക് ഇത്രയേറെ ചിത്രങ്ങളുമായി പ്രദര്ശനം നടത്താനുള്ള കൗതറിന്റെ ശ്രമം പുതിയ ചിത്രകാരികള്ക്ക് പ്രചോദനമാണെന്നും ഷുവ അല്-ദോസരി പറഞ്ഞു.