സിന്ധുമോൾ. ആർ
കൊച്ചി: കൊച്ചി മെട്രോയുടെ സമയക്രമത്തില് ഇന്നു മുതല് മാറ്റം. രാവിലെ ആറു മുതല് രാത്രി പത്തുവരെ സര്വീസ് നടത്തുമെന്ന് കെഎംആര്എല് അറിയിച്ചു. യാത്രക്കാരുടെ ആവശ്യപ്രകാരമാണ് വീണ്ടും പഴയ സമയക്രമത്തിലേക്ക് കൊച്ചി മെട്രോ എത്തുന്നത്.
നേരത്തേ, ലോക്ക്ഡൗണ് പ്രഖ്യാപിച്ച സാഹചര്യത്തില് മെട്രോ സര്വീസ് സമയം രാവിലെ ഏഴ് മുതല് മുതല് രാത്രി ഒമ്പതുവരെയാക്കി ചുരുക്കിയിരുന്നു. ഇന്ന് പേട്ട മുതല് ആലുവ വരെയും ആദ്യത്തെ സര്വീസും അവസാന സര്വീസും ഉണ്ടായിരിക്കുന്നതാണ്.