ദേശീയഗാനത്തിനിടെ വികാരഭരിതനായി രോഹിത് ശർമ്മ

SanthigiriOctober 23, 2022 6:10 PM

4 Less than a minute

മെൽബൺ; ദേശീയഗാനം കേട്ട് വികാരഭരിതനായി ഇന്ത്യൻ ക്രിക്കറ്റ് ടീം ക്യാപ്റ്റൻ രോഹിത് ശർമ്മ. ടി-20 ലോകകപ്പിൽ പാകിസ്താനെതിരായ സൂപ്പർ 12 പോരാട്ടത്തിന് മുൻപ് ഇന്ത്യയുടെ ദേശീയഗാനമായ ജനഗണമന പ്ലേ ചെയ്തപ്പോഴാണ് രോഹിത് വികാരഭരിതനായത്. ഗാനത്തിനിടെ കണ്ണ് നിറയുന്നതും അത് തുടച്ച് വീണ്ടും ദേശീയഗാനത്തിന് ചുണ്ടനക്കുന്നതുമാണ് ദൃശ്യങ്ങൾ. ഇതിന്റെ വീഡിയോ ഐസിസി തന്നെ തങ്ങളുടെ സമൂഹമാദ്ധ്യമ അക്കൗണ്ടുകളിൽ പങ്കുവച്ചു. രോഹിത് ശർമ നായകനാവുന്ന ആദ്യ ഐസിസി ഇവന്റാണ് ഇത്. രോഹിതിന്റെ വീഡിയോ നിമിഷ നേരം കൊണ്ടാണ് ആരാധകർ ഏറ്റെടുത്തത്.