ഏതസുഖം വന്നാലും ആദ്യം ചെയ്യുന്നത് രക്ത പരിശോധനയാണ്. രക്തപരിശോധനയില് പൊതുവേ കാണുന്ന ഒരു പ്രശ്നമാണ് ഹീമോഗ്ലോബിന്റേത്. ഹീമോഗ്ലോബിന് നമുക്ക് ഭക്ഷണത്തിലൂടെ മെച്ചപ്പെടുത്താം. ഹീമോഗ്ലോബിന്റെ അളവ് കൂട്ടാനും രക്തത്തിലെ ഓക്സിജന്റെ അളവ് കൂട്ടാനും ഇരുമ്പ് അടങ്ങിയ ഭക്ഷണങ്ങള് സഹായിക്കും.
ബീറ്റ്റൂട്ട് ആണ് ആദ്യമായി ഈ പട്ടികയില് ഉള്പ്പെടുന്നത്. ബീറ്റ്റൂട്ട് വളരെ പോഷകഗുണമുള്ളതും അവശ്യ വിറ്റാമിനുകള്, ധാതുക്കള്, സസ്യ സംയുക്തങ്ങള് എന്നിവയാല് നിറഞ്ഞതുമാണ്. ബീറ്റ്റൂട്ടില് ആന്റിഓക്സിഡന്റുകളാല് സമ്പന്നമാണ്. ഇരുമ്പ്, ഫോളിക്ക് ആസിഡ്, പൊട്ടാസ്യം, നാരുകള് തുടങ്ങിയവയും ബീറ്റ്റൂട്ടില് ധാരാളം അടങ്ങിയിരിക്കുന്നു. അതിനാല് ഇവ പതിവായി കഴിക്കുന്നത് രക്തത്തിലെ ഹീമോഗ്ലോബിന്റെ അളവ് കൂട്ടാന് സഹായിക്കും.
മുരങ്ങയില പോലെയുള്ള ഇലക്കറികളാണ് അടുത്തതായി ഈ പട്ടികയില് ഉള്പ്പെടുത്തുന്നത്. പോഷകങ്ങള് ധാരാളമടങ്ങിയതാണ് ഇലക്കറികള്. അതിനാല് ഇവ ഡയറ്റില് ഉള്പ്പെടുത്തുന്നത് വിളര്ച്ചയെ തടയാന് സഹായിക്കും. ശരീരത്തിന്റെ മൊത്തം ആരോഗ്യത്തിനും ഇവ നല്ലതാണ്.
ഈന്തപ്പഴം ആണ് അടുത്തതായി ഈ പട്ടികയില് ഉള്പ്പെടുന്നത്. പോഷകങ്ങളുടെ കലവറയാണ് ഈന്തപ്പഴം. ഇരുമ്ബിന്റെ അംശം ധാരാളം അടങ്ങിയതിനാല് ഇവ വിളര്ച്ചയെ തടയാന് സഹായിക്കും.
ഹീമോഗ്ലോബിന്റെ കുറവിന് ഏറ്റവും നല്ല പരിഹാരങ്ങളിലൊന്നാണ് മാതളം. കാത്സ്യം, ഇരുമ്ബ്, അന്നജം, നാരുകള് എന്നിവ ഇതില് ധാരാളമായി അടങ്ങിയിട്ടുണ്ട്. മാതളത്തില് അടങ്ങിയിരിക്കുന്ന വിറ്റാമിൻ സി ശരീരത്തിലെ ഇരുമ്പിന്റെ ആഗിരണം വര്ധിപ്പിച്ച് വിളര്ച്ച തടയുന്നു.
മത്തങ്ങ വിത്തുകള് ആണ് അവസാനമായി ഈ പട്ടികയില് ഉള്പ്പെടുന്നത്. ഭക്ഷണത്തിലെ ഇരുമ്പിന്റെ അംശം വര്ദ്ധിപ്പിക്കുന്നതിന് ഇവ കഴിക്കാം. വിറ്റാമിൻ കെ, സിങ്ക് എന്നിവയുടെ മികച്ച ഉറവിടം കൂടിയാണ് മത്തങ്ങ വിത്തുകള്.