ശരീരം തണുപ്പിക്കാനും നിര്ജ്ജലീകരണം തടയാനും കഴിക്കേണ്ട ആറ് ഭക്ഷണങ്ങള്
സംസ്ഥാനത്ത് കനത്ത ചൂട് തുടരുന്ന സാഹചര്യത്തില് നിര്ജ്ജലീകരണം ഉള്പ്പെടെയുള്ള ആരോഗ്യപ്രശ്നങ്ങള് ആളുകള്ക്ക് കണ്ടുചുടങ്ങിയിട്ടുണ്ട്. ശരീരം തണുപ്പിക്കാനും നിര്ജ്ജലീകരണത്തെ തടയാനും കഴിക്കേണ്ട ചില ഭക്ഷണങ്ങളെ പരിചയപ്പെടാം…
1. തണ്ണിമത്തന്
തണ്ണിമത്തനാണ് ആദ്യമായി ഈ പട്ടികയില് ഉള്പ്പെടുന്നത്. 92% വരെയും ജലാംശം അടങ്ങിയ തണ്ണിമത്തന് വേനല്ക്കാലത്ത് കഴിക്കുന്നത് വളരെ നല്ലതാണ്. കടുത്ത വേനലില് തണ്ണിമത്തന് ദാഹം ശമിപ്പിക്കുന്നതിനൊപ്പം ശരീരത്തിലെ ജലാംശം നിലനിര്ത്താനും സഹായിക്കും.
2. സ്ട്രോബറി
സ്ട്രോബെറിയില് 91% വരെയും ജലാംശം അടങ്ങിയിട്ടുണ്ട്. കൂടാതെ ഇവയില് വിറ്റാമിന് സിയും ആന്റി ഓക്സിഡന്റുകളും അടങ്ങിയിട്ടുണ്ട്. അതിനാല് ഇവയും വേനല്ക്കാലത്ത് കഴിക്കാന് പറ്റിയ ഒരു ഫലമാണ്.
3.ഓറഞ്ച്
ഓറഞ്ചില് 87% വരെയും ജലാംശം അടങ്ങിയിട്ടുണ്ട്. കൂടാതെ വിറ്റാമിന് സിയും മറ്റ് ആന്റി ഓക്സിഡന്റുകളും അടങ്ങിയ ഓറഞ്ച് കഴിക്കുന്നതും ശരീരം തണുപ്പിക്കാനും പ്രതിരോധശേഷി കൂട്ടാനും ഗുണം ചെയ്യും.
4. പൈനാപ്പിള്
പൈനാപ്പിളില് 86% വരെ വെള്ളം അടങ്ങിയിട്ടുണ്ട്. കൂടാതെ വിറ്റാമിന് സിയും ഇവയിലുണ്ട്.
5. പീച്ച്
പീച്ചാണ് അടുത്തതായി ഈ പട്ടികയില് ഉള്പ്പെടുന്നത്. 89% വരെ വെള്ളം ആണ് ഇവയില് ഉള്ളത്. കൂടാതെ വിറ്റാമിന് എ, സി മറ്റ് ആന്റി ഓക്സിഡന്റുകളും പീച്ചില് അടങ്ങിയിട്ടുണ്ട്.
6. മുന്തിരി
മുന്തിരിയാണ് അവസാനമായി ഈ പട്ടികയില് ഉള്പ്പെടുന്നത്. മുന്തിരിയില് 80% വരെയും ജലാംശം അടങ്ങിയിട്ടുണ്ട്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.