‘ആടുജീവിതം’ വെള്ളിത്തിരയില് ഒരുക്കിയ വിസ്മയം പൃഥ്വിരാജിന് പുരസ്കാരം ഉറപ്പ്’; പ്രേക്ഷക പ്രതികരണം
നീണ്ട കാത്തിരിപ്പിനൊടുവില് ബ്ലെസി ഒരുക്കിയ ആടുജീവിതം തിയറ്ററുകളിലെത്തിയപ്പോള് മികച്ച സിനിമയെന്ന പ്രതികരണവുമായി പ്രേക്ഷകര്. സിനിമയ്ക്കായി പൃഥ്വിരാജ് നടത്തിയ പരിശ്രമങ്ങളൊന്നും വെറുതെയായില്ലെന്നാണ് ആദ്യ ഷോ കഴിഞ്ഞതിന് ശേഷമുള്ള പ്രതികരണങ്ങള് വ്യക്തമാക്കുന്നത്. ഇന്റര്നാഷണല് ലെവല് സിനിമയാണ് ആടുജീവിതമെന്ന് ഒരു പ്രേക്ഷകന് ട്വിറ്ററില് കുറിച്ചു. പൃഥ്വിരാജ് കഥാപാത്രത്തോട് പൂര്ണമായും നീതി പുലര്ത്തിയിട്ടുണ്ടെന്നുംനാഷണല് അവാര്ഡ് ഉറപ്പാണെന്നുമുള്ള അഭിപ്രായങ്ങളും വരുന്നുണ്ട്.
ദൃശ്യങ്ങളും ബിജിഎമ്മും അതിമനോഹരമെന്നും ചിലര് പറയുന്നു. 300 ല് അധികം തിയേറ്ററുകളിലാണ് ചിത്രം ഇന്ന് റിലീസിനെത്തിയത്. മലയാളത്തിനു പുറമേ ഹിന്ദി, തമിഴ്, തെലുങ്ക്, കന്നഡ എന്നീ ഭാഷകളിലും ചിത്രം റിലീസ് ചെയ്യുന്നുണ്ട്. വിഷ്വല് റൊമാന്സിന്റെ ബാനറിലാണ് ചിത്രമൊരുങ്ങുന്നത്. ഇതിനകം കേരളത്തില് നിന്ന് മാത്രമായി അഡ്വാന്സ് ബുക്കിങ്ങിലൂടെ മൂന്ന് കോടിയിലധികം രൂപയാണ് സിനിമ നേടിയത് എന്നാണ് അനലിസ്റ്റുകള് നല്കുന്ന സൂചന.