ഡല്ഹി: രാജ്യം കോവിഡ് വൈറസ് വ്യാപനത്തില് കടുത്ത പ്രതിസന്ധി നേരിടുന്നതിനിടയില് ഇന്ത്യ തദ്ദേശീയമായി വികസിപ്പിച്ചെടുത്ത ഭാരത് ബയോടെകിന്റെ കോവാക്സിന് പ്രതീക്ഷ നല്കുന്നു. ഇന്ത്യയിലും ബ്രിട്ടണിലും ആദ്യമായി തിരിച്ചറിഞ്ഞ ബി.1.617, ബി.1.1.7 എന്നിവ ഉള്പ്പെടെ കൊറോണ വൈറസിന്റെ എല്ലാ പ്രധാന വകഭേദങ്ങള്ക്കും എതിരെ ഭാരത് ബയോടെക്കിന്റെ കൊവാക്സിന് ഫലപ്രദമാണെന്ന് നിര്മാതാക്കള് അവകാശപ്പെട്ടു.
പരീക്ഷിച്ച എല്ലാ പ്രധാന വകഭേദങ്ങളേയും കോവാക്സിന് നിര്വീര്യമാക്കുന്നുവെന്ന് ഭാരത് ബയോടെക് പറഞ്ഞു. നാഷണല് ഇന്സ്റ്റിറ്റ്യൂട്ട് ഓഫ് വൈറോളജി, ഇന്ത്യന് കൗണ്സില് ഓഫ് മെഡിക്കല് റിസര്ച്ചുമായി സഹകരിച്ച് നടത്തിയ പഠനത്തിലാണ് ഈ കണ്ടെത്തലുകള്. ഇത് സംബന്ധിച്ച് മെഡിക്കല് ജേണലായ ക്ലിനിക്കല് ഇന്ഫെക്ഷിയസ് ഡിസീസസില് പ്രസിദ്ധീകരിച്ച ഒരു പഠനം ഭാരത് ബയോടെക് ജോയിന്റ് മാനേജിംഗ് ഡയറക്ടര് സുസിത്ര എല്ല ട്വിറ്ററില് പങ്കുവെച്ചിട്ടുണ്ട്.