ന്യൂഡല്ഹി : കോവിഡ് രണ്ടാം തരംഗത്തിന് പിന്നാലെ മൂന്നാം തരംഗത്തെയും രാജ്യം നേരിടേണ്ടി വരുമെന്ന മുന്നറിയിപ്പുമായി എയിംസ് മേധാവി എയിംസ് മേധാവി രണ്ദീപ് ഗുലേറിയ. കോവിഡ് വ്യാപനം തടയുന്നതിനായ വിവിധ സംസ്ഥാനങ്ങള് പരീക്ഷിക്കുന്ന വാരാന്ത്യ ലോക്ക് ഡൗണ്, രാത്രികാല കര്ഫ്യൂ എന്നിവ ഫലപ്രദമാകില്ലെന്നും ദേശീയ മാധ്യമത്തിന് നല്കിയ അഭിമുഖത്തില് അദ്ദേഹം പറഞ്ഞു.
രാജ്യവ്യാപകമായി അടച്ചുപൂട്ടല് കൊണ്ട് കോവിഡ് നിയന്ത്രിക്കാനാവുമോ എന്ന ചോദ്യത്തിന് ഇപ്പോഴുള്ള ഗുരുതരമായ സാഹചര്യം കുറച്ച് നാളത്തേയ്ക്ക് പരിഹരിക്കുന്നതിന് അത് സഹായകരമായിരിക്കും എന്നായിരുന്നു മറുപടി. രോഗവ്യാപനത്തിന്റെ തോത് കുറച്ച്, ഓക്സിജന് പ്രതിസന്ധി അടക്കമുള്ള പ്രശ്നങ്ങളില് നിന്നും പരിഹാരം കാണാന് അതു സഹായിക്കും. കൂടാതെ രാജ്യത്തെ ആശുപത്രിയില് രോഗികളുടെ എണ്ണം വര്ധിക്കുന്നത് മൂലമുള്ള ബുദ്ധിമുട്ടുകളും ഒഴിവായേക്കുമെന്നും അദ്ദേഹം വ്യക്തമാക്കി.