കൊച്ചി: വാണിജ്യാവശ്യങ്ങള്ക്കുള്ള പാചകവാതക സിലിണ്ടറിന്റെ വില വീണ്ടും വര്ധിപ്പിച്ച് എണ്ണക്കമ്പനികള്. 19 കിലോഗ്രാമിന്റെ സിലിണ്ടറിന് 191 രൂപയാണ് കൂടിയത്. ഇതോടെ 1335.50 രൂപയില് നിന്ന് 1528.50 രൂപയിലേക്കാണ് വില വര്ദ്ധിച്ചത്. ഞായറാഴ്ച അര്ധരാത്രി മുതല് പുതിയ വില നിലവില്വന്നു.
ഇന്നലെ രാത്രി പത്തുമണിയോടെയാണ് എണ്ണക്കമ്പനികള് വില പുതുക്കി നിര്ദേശം പുറപ്പെടുവിച്ചത്. ഈ വര്ഷം ആദ്യം വാണിജ്യ സിലിണ്ടറിന്റെ വില വര്ദ്ധിപ്പിച്ചിരുന്നു. ഇതിനു പിന്നാലെയാണ് ഇപ്പോള് വീണ്ടും വിലയില് മാറ്റം വരുത്തിയിരിക്കുന്നത്. ഗാര്ഹിക ഉപഭോക്താക്കള്ക്കുള്ള സിലിണ്ടറിന് വില വര്ധിച്ചിട്ടില്ല.