രാ​ജ്യ​ത്തെ അ​ധ്യാ​പ​ക​ര്‍​ക്ക്​ ഉ​പ​ക​ര​ണസ​ഹാ​യ​മി​ല്ലാ​തെ കോ​വി​ഡ്​ പ​രി​ശോ​ധ​ന

ദോ​ഹ: രാ​ജ്യ​ത്തെ അ​ധ്യാ​പ​ക​ര്‍​ക്ക്​ ഉ​പ​ക​ര​ണ​ങ്ങ​ളു​ടെ സ​ഹാ​യ​മി​ല്ലാ​തെ കോ​വി​ഡ്​ പ​രി​ശോ​ധ​ന ന​ട​ത്താ​നു​ള്ള സൗ​ക​ര്യ​മൊ​രു​ങ്ങി. കോ​വി​ഡ് രോ​ഗ​ല​ക്ഷ​ണ​ങ്ങ​ളു​ള്ള​വ​ര്‍ക്ക് ഇ​ത്ത​ര​ത്തി​ല്‍ ആ​ന്‍​റി​ജ​ന്‍ പ​രി​ശോ​ധ​ന ന​ട​ത്താ​നു​ള്ള സം​വി​ധാ​നം ഹ​മ​ദ് മെ​ഡി​ക്ക​ല്‍ കോ​ര്‍പ​റേ​ഷ​ന്‍ ആ​രം​ഭി​ച്ച​താ​യി എ​ച്ച്‌.​എം.​സി ല​ബോ​റ​ട്ട​റി മെ​ഡി​സി​ന്‍ പാ​ത്തോ​ള​ജി വ​കു​പ്പ് അ​റി​യി​ച്ചു.

കോ​വി​ഡ് വാ​ക്സി​ന്‍ ഡോ​സു​ക​ള്‍ ഇ​നി​യും ല​ഭി​ക്കാ​ത്ത അ​ധ്യാ​പ​ക​ര്‍ക്കാ​യാ​ണ്​ ഇ​തെ​ന്ന്​ വ​കു​പ്പ്​ ചെ​യ​ര്‍മാ​ന്‍ എ​നാ​സ് അ​ല്‍ കു​വാ​രി പ​റ​ഞ്ഞു. ഹ​മ​ദ് മെ​ഡി​ക്ക​ല്‍ കോ​ര്‍പ​റേ​ഷന്‍റെ സൗ​ക​ര്യ​ങ്ങ​ള്‍ ഉ​പ​യോ​ഗ​പ്പെു​ട​ത്തി ഇ​ത്ത​ര​ക്കാ​ര്‍​ക്ക്​ ആ​ന്‍​റി​ജ​ന്‍ പ​രി​ശോ​ധ​ന​ക്കു​ള്ള കി​റ്റു​ക​ള്‍ വ​രും ദി​വ​സ​ങ്ങ​ളി​ല്‍ സ്കൂ​ളു​ക​ളി​ല്‍ സാ​ധാ​ര​ണ​മാ​ക്കു​മെ​ന്നും അ​വ​ര്‍ പ​റ​ഞ്ഞു. അ​ധ്യാ​പ​ക​രും വി​ദ്യാ​ര്‍ഥി​ക​ളും പു​തി​യ രീ​തി സ്വീ​ക​രി​ക്കു​ന്ന​ത് സു​ര​ക്ഷി​ത​വും ആ​രോ​ഗ്യ​ക​ര​വു​മാ​യ സ്​​കൂ​ള്‍ അ​ന്ത​രീ​ക്ഷം ഉ​ണ്ടാ​ക്കും. കോ​വി​ഡ് ആ​ന്‍​റി​ജ​ന്‍ പ​രി​ശോ​ധ​ന​ക്കാ​യി മൂ​ക്കി​ല്‍നി​ന്ന്​ സ്ര​വം എ​ടു​ക്കും. 10 മു​ത​ല്‍ 15 മി​നി​റ്റി​ന​കം പ​രി​ശോ​ധ​ന ഫ​ലം ല​ഭ്യ​മാ​കും.

കോ​വി​ഡ് അ​ണു​ബാ​ധ​യു​ടെ ആ​ദ്യ ആ​ഴ്ച​യി​ല്‍ത​ന്നെ കേ​സു​ക​ള്‍ ക​ണ്ടെ​ത്തു​ന്ന​തി​ല്‍ ഈ ​ടെ​സ്​​റ്റ്​ കി​റ്റി​ന് 97 ശ​ത​മാ​നം കൃ​ത്യ​ത കൈ​വ​രി​ക്കാ​ന്‍ ക​ഴി​യു​ന്നു​ണ്ട്. പ​നി, ചു​മ പോ​ലു​ള്ള അ​ണു​ബാ​ധ ല​ക്ഷ​ണ​ങ്ങ​ള്‍ കാ​ണി​ക്കു​ന്ന കേ​സു​ക​ള്‍ക്കാ​ണ് ഇ​ത്ത​രം പ​രി​ശോ​ധ​ന ഉ​പ​യോ​ഗ​പ്പെ​ടു​ത്തു​ന്ന​ത്. കൃ​ത്യ​ത​ക്കും വേ​ഗ​ത്തി​നും പു​റ​മേ ആ​ര്‍.​ടി. പി.​സി.​ആ​ര്‍ ടെ​സ്​​റ്റു​മാ​യി താ​ര​ത​മ്യം ചെ​യ്യു​മ്ബോ​ള്‍ ദ്രു​ത​പ​രി​ശോ​ധ​ന​യി​ല്‍ മൂ​ക്കി​ല്‍ നി​ന്നും സാമ്പിള്‍ എ​ടു​ക്കു​ന്ന​ത് കൂ​ടു​ത​ല്‍ സൗ​ക​ര്യ​പ്ര​ദ​മാ​ണ്. ഹ​മ​ദ് ജ​ന​റ​ല്‍ ആ​ശു​പ​ത്രി, വ​നി​ത ആ​ശു​പ​ത്രി, അ​ല്‍ ഖോ​ര്‍ ആ​ശു​പ​ത്രി, അ​ല്‍ വ​ക്റ ആ​ശു​പ​ത്രി, കു​ട്ടി​ക​ളു​ടെ അ​ത്യാ​ഹി​ത വി​ഭാ​ഗ​ങ്ങ​ളി​ല്‍ നി​ല​വി​ല്‍ ദ്രു​ത​പ​രി​ശോ​ധ​ന ഉ​പ​യോ​ഗി​ക്കു​ന്നു​ണ്ടെ​ന്ന് അ​വ​ര്‍ വെ​ളി​പ്പെ​ടു​ത്തി. ശ​രി​യാ​യ ക്ലി​നി​ക്കു​ക​ളി​ലേ​ക്ക് രോ​ഗി​ക​ളെ റ​ഫ​ര്‍ ചെ​യ്യു​ന്ന പ്ര​ക്രി​യ സു​ഗ​മ​മാ​ക്കു​ക​യാ​ണ് അ​വി​ടെ​യു​ള്ള പ​രി​ശോ​ധ​ന​ക​ള്‍ ല​ക്ഷ്യ​മി​ടു​ന്ന​തെ​ന്നും അ​വ​ര്‍ പ​റ​ഞ്ഞു.