സിന്ധുമോള് ആര്
ഏറ്റവും കൂടുതല് കോവിഡ് രോഗികളുള്ള രാജ്യങ്ങളില് ഇന്ത്യ അഞ്ചാം സ്ഥാനത്ത്. ശനിയാഴ്ച്ച വരെയുള്ള കണക്കുകള് പ്രകാരം ഇന്ത്യയില് കോവിഡ് രോഗികള് 2.45 ലക്ഷം കടന്നു. അഞ്ചാം സ്ഥാനത്തുണ്ടായിരുന്ന സ്പെയിന്(2.41 ലക്ഷം രോഗികള്) ആറാമതായി. 24 മണിക്കൂറുകള്ക്ക് മുമ്പാണ് ഇന്ത്യ ഇറ്റലിയെ മറികടന്ന് ആറാം സ്ഥാനത്തേക്കെത്തിയിരുന്നത്.
കോവിഡ് രോഗികളുടെ എണ്ണത്തില് അഞ്ചാം സ്ഥാനത്താണെങ്കിലും ഇറ്റലിയിലേയും സ്പെയിനിലേയും കോവിഡ് മരണവുമായി താരതമ്യം ചെയ്യുമ്പോള് ഇന്ത്യ പിന്നിലാണെന്ന സമാധാനമുണ്ട്. ഇറ്റലിയില് 33,700ലേറെ മരണങ്ങളും സ്പെയിനില് 27,100ലേറെ മരണങ്ങളും റിപ്പോര്ട്ടു ചെയ്യപ്പെട്ടപ്പോള് ഇന്ത്യയില് 6,640ലേറെ കോവിഡ് മരണങ്ങള് മാത്രമാണ് റിപ്പോര്ട്ടു ചെയ്യപ്പെട്ടിട്ടുള്ളത്.