സിന്ധുമോള് ആര്
പുതിയ ലുക്കില് നദിയ മൊയ്തു. ഇന്സ്റ്റാഗ്രാമില് താരം പങ്കുവച്ച പുതിയ ചിത്രം ആരാധകര് ഏറ്റെടുത്തു. പുതിയ ഹെയര് സ്റ്റൈലില് കുളിംഗ് ഗ്ലാസ് വച്ച് അടിപൊളിയായി ഇരിക്കുന്ന ചിത്രമാണ് താരം പങ്കുവെച്ചത്. ’എന്നെ തന്നെ അതിശയിപ്പിച്ച ചിത്രം” എന്ന ക്യാപ്ഷനാണ് താരം നല്കിയിരിക്കുന്നത്. 2018ല് നടത്തിയ ഒരു ഫോട്ടോഷൂട്ടിന്റെ ചിത്രമാണിതെന്നും താരം പോസ്റ്റില് കുറിച്ചിട്ടുണ്ട്. ’ഈ ലുക്ക് അടിപൊളിയാണ്’, വയസ് വെറും അക്കങ്ങള് മാത്രമാണ് വളരെ സുന്ദരിയായിരിക്കുന്നു എന്നിങ്ങനെയുള്ള കമന്റുകളാണ് ചിത്രത്തിന് ലഭിക്കുന്നത്. നോക്കെത്താ ദൂരത്തില് മോഹന്ലാലിന്റെ നായികയായി നദിയ മൊയ്തു മലയാള സിനിമയില് അരങ്ങേറിയത്. ലോക് ഡൗണ് കാലത്താണ് നദിയ ഇന്സ്റ്റാഗ്രാം അക്കൗണ്ട് തുടങ്ങുന്നത്. പഴയകാല ഓര്മ്മ ചിത്രങ്ങളെല്ലാം താരം പങ്കുവച്ചിരുന്നു.