സിന്ധുമോള് ആര്
മുംബൈ: അന്തരിച്ച ബോളിവുഡ് താരം സുശാന്ത് സിംഗ് രജ്പുത്തിന്റെ മൃതദേഹത്തിന്റെ ചിത്രങ്ങള് പ്രചരിപ്പിക്കരുതെന്ന മുന്നറിയിപ്പുമായി മഹാരാഷ്ട്ര പോലീസ്. സമൂഹമാധ്യമങ്ങളില് ഇതുമായി ബന്ധപ്പെട്ട് നിരവധി ചിത്രങ്ങള് പ്രചരിച്ച സാഹചര്യത്തിലാണ് മഹാരാഷ്ട്ര സൈബര് സെല് രംഗത്തെത്തിയത്.
ഇത്തരം ദൃശ്യങ്ങള് പ്രചരിപ്പിക്കുന്നത് കോടതി നിര്ദേശങ്ങള്ക്ക് എതിരാണെന്നും നിയമനടപടികള് നേരിടേണ്ടി വരുമെന്നും മുന്നറിയിപ്പില് വ്യക്തമാക്കുന്നു. കഴിഞ്ഞ ദിവസമാണ് സുശാന്തിനെ മുംബൈയിലെ ജുഹുവിലെ ഫ്ലാറ്റില് മരിച്ച നിലയില് കണ്ടെത്തിയത്. ജീവനൊടുക്കിയതാണെന്ന് സംശയിക്കുന്നു.